កូរ៉េខាងជើង ប្រឈមមុខនឹងការ ដាក់ទណ្ឌកម្ម
សារព័ត៌មាន Cambodia News/
សេអ៊ូល (០៤ មេសា ២០១៤) ៖ ភ្នាក់ងារសារព័ត៌មាន Yonhap News ចុះថ្ងៃទី០៣ ខែមេសា ឆ្នាំ២០១៤នេះបានឲ្យដឹងថា កាលពីសប្តាហ៍មុនប្រទេស កុម្មុយនីសមួយនេះ បានបាញ់បង្ហោះគ្រាប់មីស៊ីល ខ្នាតមធ្យមមួយ នៅឆ្នេរភាគខាងកើត នៃដែនសមុទ្ររបស់ខ្លួន។
បញ្ហានេះ អង្គការសហប្រជាជាតិ នឹងរៀបចំកិច្ចពិភាក្សា បន្ថែមទៀត ទាក់ទងនឹងការចាត់វិធាន ដើម្បីដាក់ទណ្ឌកម្ម ទៅលើរដ្ឋាភិបាល ទីក្រុង ព្យុងយ៉ាង ដែលបានបាញ់ បង្ហោះគ្រាប់មីស៊ីល បន្ថែមទៀតក្នុងពេលថ្មីៗនេះ។ នេះបើយោង តាមការលើកឡើង របស់គណៈប្រតិភូ តំណាងប្រទេស កូរ៉េខាងត្បូង ប្រចាំស្ថាប័នអន្តរជាតិ លើកឡើងនាថ្ងៃ ព្រហស្បតិ៍នេះ។
ការបាញ់បង្ហោះគ្រាប់មីស៊ីលប្រភេទនេះ ជាការបាញ់លើកទី១ បន្ទាប់ពីបានអាក់ខាន អស់រយៈពេល៤ឆ្នាំមក ដើម្បី បង្ហាញការគំរាម ចំពោះការបន្តធ្វើសមយុទ្ធយោធា រួមគ្នារវាងរដ្ឋាភិបាល ក្រុង វ៉ាស៊ីនតោន និងសេអ៊ូល ៕
