លទ្ធផល នៃកិច្ចប្រជុំរវាង CPP និង CNRP ព្រឹកថ្ងៃទី៣នេះ
សារព័ត៌មាន Cambodia News/
ភ្នំពេញ(០៣ មីនា ២០១៤) ៖ ជាតារា សម្តែងខ្សែភាពយន្ត និងធ្វើជាពិធីការិនីតាមបណ្តាកម្មវិធីរបស់ប៉ុស្តិ៍ ទូរទស្សន៍ នាង នេត សុចរិយា ថ្មីៗនេះកំពុងលេចឮថា នាងកំពុងមានបុរសអាណិកជនខ្មែរ រស់នៅក្រៅប្រទេសម្នាក់ ចង់បានបេះដូងនាង។
តារា សម្តែង កញ្ញា នេត សុចរិយា ក្រោយពីឈានជើងចូលប្រឡូកក្នុងវិស័យសិល្បៈមួយរយៈមកនេះ ត្រូវបានមហាជនស្គាល់ និងមើលឃើញថា នាងជាតារាស្រីមួយដួងដែលមានឱកាសច្រើនក្នុងការ បង្ហាញមុខតាមរយៈនៃ ការសម្តែងខ្សែភាពយន្ត និងធ្វើជាពិធីការិនីតាមបណ្តាកម្មវិធីរបស់ប៉ុស្តិ៍ ទូរទស្សន៍នានា។
គួរឱ្យ កត់សម្គាល់ ថ្មីៗនេះក៏ស្រាប់តែមានប្រភពមួយបានលួចបង្ហើបប្រាប់ថា ដោយសារតែរូបសម្រស់ដ៏ស្រស់សោភារបស់ ចរិយា គឺបានធ្វើមានបុរសៗជាច្រើនមិនថា អ្នកក្នុងស្រុក ឬក្រៅស្រុកនោះទេ គឺតែងព្យាយាមតាមទាក់ទងលួងលោកចង់បានការអាណិតស្រលាញ់ ពីតារាស្រី រូបនេះ។ មិនត្រឹមតែប៉ុណ្ណោះ ក្នុងពេលដំណាលគ្នានេះ ដែរគេក៏បានលេចឮថា ចរិយា កំពុងមានបុរសអាណិកជនខ្មែរ រស់នៅក្រៅប្រទេសម្នាក់ស្រឡាញ់ប្រាថ្នាចង់បានបេះដូងនាងទៅ អនាគត។
ផ្អែកតាមប្រភពពីអ្នករស់នៅក្រៅស្រុកម្នាក់បាន បង្ហើបឲ្យដឹងថា សព្វថ្ងៃ មានបុរសៗអាណិកជនខ្មែរនៅកាណាដា ដែលបានដាក់ការស្រលាញ់ចង់បាន នេត សុចរិយា ធ្វើជាម្ចាស់បេះដូង ហើយភាគច្រើជាអ្នកដែលមានលុយហូរហៀរទៀតផង។ ប៉ុន្តែអ្វីដែលគួរឱ្យចាប់អារម្មណ៍នោះ គឺប្រភពបានបញ្ចាក់ថា ពេលនេះ មានតែបុរសម្នាក់ដែលតែងព្យាយាមចេញមុខនិយាយថាខ្លួនស្រឡាញ់ តារា សម្តែង នាង នេត សុចរិយា ។
តាមប្រភពនោះបន្តថា បុរសជាអាណិកជនដែលដាក់ចិត្តស្រលាញ់ ចង់បានបេះដូងរបស់តារាចម្រៀងស្រី នាង សុចរិយា បើតាមគេដឹងគឺមានបំណងចង់ចូល ស្តីដណ្តឹងនាងយកធ្វើជាគូគ្រង ស្របតាមប្រពៃណីទៀតផង។ ម្យ៉ាងទៀត គេក៏ដឹងដែរថា បុរសវ័យក្មេងម្នាក់នោះ តែងមានបំណងចង់ជ្រោមជ្រែងឧបត្ថម្ភដល់តារាស្រីរូបនេះពីក្រោ យផងដែរ៕
