ផ្ទុះអាវុធមួយប្រាវក្នុងករណីបង្រ្កាបក្រុមចោរប្លន់នៅខណ្ឌឫស្សីកែវ
សារព័ត៌មាន Cambodia News/
ភ្នំពេញ(១៩ កុម្ភៈ ២០១៤) ៖ កាលពីវេលាម៉ោង៩ព្រឹក ថ្ងៃទី១៩ ខែកុម្ភៈ ស្ថិតនៅចំណុចផ្ទះគ្មានលេខ ភូមិទូលសង្កែ សង្កាត់ទួលសង្កែ ខណ្ឌឫស្សីកែវ កម្លាំងអាវុធហត្ថខណ្ឌឫស្សីកែវធ្វើការព័ទ្ធ និងចាប់ខ្លួនមុខសញ្ញាប្លន់ប្រដាប់អាវុធ និងមានដីកាចាប់ខ្លួនផងនោះ ប៉ុន្តែក្នុងករណីនេះជនល្មើសបានបាញ់តដៃជាមួយសមត្ថកិច្ចកងរាជ អាវុធហត្ថ ក្នុងនាមការពារខ្លួនកម្លាំងសមត្ថកិច្ចក៏បានចាញ់តបតបណ្តាលឲ្យ ជនសង្ស័យម្នាក់រងរបួសជើង និងឃាត់ខ្លួនបាន៣នាក់ក្នុងចំណោមគូកន៣នាក់
។
មន្ត្រី កងរាជ អាវុធហត្ថខណ្ឌបឫស្សីកែវបានឲ្យដឹងថា ជនល្មើសខាងលើជាមុខសញ្ញាណប្លន់យ៉ាងសកម្ម និងមានដីកាចាប់ខ្លួនផងដែរ ហើយកម្លាំងអាវុធហត្ថបានស្រាវជ្រាវឈានរហូតដល់ការបង្ក្រាប ប៉ុន្តែជនសង្ស័យបានបាញ់មកលើសមត្ថកិច្ចក្នុងនាមការពារខ្លួន កម្លាំងក៏បានបាញ់តបតបណ្តាលឲ្យត្រូវមេខ្លោងម្នាក់បាក់ជើង ។
ក្នុង ប្រតិបត្តិ ការខាងលើនេះបានឃាត់ខ្លួនជនល្មើស ៣នាក់ដកហូតម៉ូតូ២គ្រឿង ម៉ាកហុងដាសេ ១២៥ និងអាវុធខ្លីមួយដើមម៉ាកកា៥៤ បញ្ជូនទៅកាន់ទីបញ្ជាការកងរាជអាវុធហត្ថរាជធានីភ្នំពេញដើម្បី ចាត់ការបន្ត ៕
