ប្រទេសចិនរឹតបន្តឹងលើសាលាបង្រៀនវិជ្ជាសារព័ត៌មាន
ប្រភពជាច្រើនទាក់ទងនឹងសកល វិទ្យាល័យ និងបណ្តាញព័ត៌មានឲ្យដឹងកាលពី ថ្ងៃអាទិត្យម្សិលមិញនេះថា គណបក្សកុម្មុយនីសរបស់ប្រទេសចិន បានសម្រេចចិត្តធ្វើការដោយផ្ទាល់ជាមួយថ្នាក់ដឹកនាំរបស់ សកលវិទ្យាល័យបង្រៀនវិជ្ជាសារព័ត៌មាន និងពង្រឹងរដ្ឋបាលរបស់សាលាទាំងនោះ។
ប្រភព ដដែលបានឲ្យដឹងថា ចំណាត់ការនេះគឺមានគោលបំណងលើកកម្ពស់កំណែទម្រង់ផ្នែកគំនិត (thought reform) ដើម្បីទាត់ចោល គុណតម្លៃរបស់លោកខាងលិច (Western values) ដែលមានជាអាទិដូចជា សេរីភាពសារព័ត៌មាន ក្នុងប្រយោជន៍លើកកម្ពស់ធនធានមនុស្សដែលស្មោះត្រង់ជាមួយនិងបក្ស។
ប្រភព ចេញពីបក្សកុម្មុយនីស្ត ឲ្យដឹងទៀតថា ថ្នាក់ដឹកនាំរបស់ប្រធានរដ្ឋ Xi Jinping ដឹងថានឹងអាចមានវិបត្តិ ព្រោះថា គឺសកលវិទ្យាល័យនិងបណ្តាញព័ត៌មានទាំងឡាយនោះហើយដែលអ្នកធ្វើកំណែ ទម្រង់មាននិន្នាទៅរកប្រជាធិបតេយ្យដែលមានឥទ្ធិពលខ្លាំងបំផុត៕ (Radio Australia)
