អាជ្ញាធរឡាវរុករកសាកសពមនុស្សជិះយន្ដហោះធ្លាក់ក្នុងទន្លេមេគង្គ
ក្រុមអ្នកជួយសង្រ្គោះបានស្រង់យកសាកសព ជាច្រើនពីកន្លែងដែលយន្ដ ហោះមួយគ្រឿងបានធ្លាក់នៅក្នុងប្រទេសឡាវ ដោយធ្វើឲ្យមនុស្សជិះ៤៩នាក់ស្លាប់ ក្នុងនោះមាន៦នាក់ជាជនជាតិអូស្រ្ដាលី។
អាជ្ញាធរប៉ូលិសក្នុងតំបន់និយាយថា ពួកគេបានរកឃើញសាកសពរបស់ជនជាតិអូស្រ្ដាលី២រូបហើយ។
តាម ការឲ្យដឹង សាកសពត្រូវគេរកឃើញនៅចម្ងាយ២០គីឡូម៉ែត្រពីយន្ដហោះ ដែលបានធ្លាក់ចូលក្នុងទឹកជម្រៅ៥០ម៉ែត្រ ក្នុងទឹកទន្លេមេគង្គ នៅទីកន្លែងមួយ ដែលគេមិនស្គាល់។
គេបានរៀបចំម៉ាស៊ីនស្ទូច ដើម្បីស្ទូចយកយន្ដហោះចេញពីកន្លែងកើតហេតុ។ យន្ដហោះម៉ាស៊ីន២របស់អាកាសចរណ៍ឡាវបានធ្លាក់ចុះនៅល្ងាចថ្ងៃពុធ ហើយគ្មានមនុស្សនៅរស់រានមានជីវិតពីគ្រោះថ្នាក់នេះទេ។
មក ទល់ពេលនេះ មានការឲ្យដឹងថា សាកសពចំនួន៩នាក់ត្រូវអាជ្ញាធរកឃើញ។ រីឯប៉ូលិសឡាវនិយាយថា ក្នុងចំណោមសាកសពទាំងនោះមានជនជាតិអូស្រ្ដាលី២នាក់ ប៉ុន្ដែក្រសួងការបរទេសអូស្រ្ដាលី មិនទាន់បានបញ្ជាក់អំពីរឿងនេះនៅឡើយទេ។
ក្រុមអ្នកជំនាញថៃ ដែលជួយដល់អាជ្ញាធរឡាវ បានយករថយន្ដធំៗមានទូទឹកកកពីប្រទេសថៃចូលទៅប្រទេសឡាវ ដើម្បីជួយដល់កិច្ចការសង្រ្គោះនេះ។ អ្នកជំនាញខាងមុជទឹករបស់ថៃ, អ្នកជួយសង្រ្គោះឡាវ និងអ្នកភូមិបានសហការគ្នាជួយនៅក្នុងកិច្ចប្រឹងប្រែងរុករកសាក សពទាំងនោះ៕ (Radio Australia)