គ.ជ.ប អំពាវនាវដល់ប្រព័ន្ធផ្សព្វផ្សាយផ្តល់ព័ត៌មានពីការបោះឆ្នោតឲ្យបានត្រឹមត្រូវ និងមិនលម្អៀង
ភ្នំពេញ៖ កាលពីថ្ងៃទី២៣ ខែកក្កដា គណៈកម្មាធិការជាតិរៀបចំការបោះឆ្នោត (គ.ជ.ប) បានធ្វើការអំពាវនាវដល់ប្រព័ន្ធផ្សព្វផ្សាយ ដូចជាស្ថានីយ៍វិទ្យុ ទូរទស្សន៍ និងអង្គការនានា ឲ្យផ្តល់ព័ត៌មានឲ្យបានត្រឹមត្រូវមិនលំអៀង និងដោយមានការថ្លឹងថ្លែង ព្រមទាំងជៀសវាងការប្រើប្រាស់ភាសាញុះញង់ ឬវាយប្រហារគ្នា។
ជាមួយគ្នានេះ គ.ជ.ប ក៏បានធ្វើការអំពាវនាវផងដែរដល់គ្រប់ស្ថានីយ៍៍វិទ្យុ ទូរទស្សន៍ និងអង្គការនានា ត្រូវបញ្ឈប់ការផ្សព្វផ្សាយទាំងស្រុងនូវព័ត៌មាន ឬការឃោសនាដែលពាក់ព័ន្ធដល់គណបក្សនយោបាយណាមួយក្នុងរយៈពេល២៤ម៉ោង មុនថ្ងៃបោះឆ្នោត និងថ្ងៃបោះឆ្នោត ពោលគឺនៅថ្ងៃទី២៧ និងថ្ងៃទី២៨ ខែកក្កដា ឆ្នាំ២០១៣។
ជាចុងក្រោយ គ.ជ.ប បានបញ្ជាក់ថា ក្នុងករណីដែលមានការប្រព្រឹត្តល្មើសនឹងករណីនេះ ប្រព័ន្ធផ្សព្វផ្សាយទាំងនោះនឹងត្រូវពិន័យតាមច្បាប់ស្តីពីការ បោះឆ្នោតជ្រើសតាំងតំណាងរាស្រ្ត៕ Cambodia News
