តារាកំប្លែងជាច្រើនរូប លេចមុខក្នុងថ្ងៃឃោសនាដំបូង
Cambodia News
ភ្នំពេញ៖ ក្នុងយុទ្ធនាការឃោសនា របស់គណបក្សប្រជាជន បានផ្តោតទៅលើការធ្វើយ៉ាងណាអោយប្រជាជនយល់ឃើញថា ការដឹកនាំប្រទេសក្រោមការគ្រប់គ្រងរបស់ លោក ហ៊ុន សែន ដែលជានាយករដ្ឋមន្ត្រី កំពុងតែដើរនៅលើផ្លូវដ៏ត្រឹមត្រូវ។
គណបក្សប្រជាជន តំណាងអោយការរីកចំរើន ស្ថេរភាពនយោបាយ និង សេចក្តីសប្បាយរីករាយ ដូច្នេះគណបក្សប្រជាជនកម្ពុជា នៅខណ្ឌទាំង ៩ សិតតែបានធើ្វការឃោសនា ដែលមានការទាក់ទាញ ដោយប្រមូលផ្តុំសិល្បករ សិល្បការិនី និងតារាកំប្លែង ដើម្បីផ្តល់ការកម្សាន្ត។
គេសង្កេតឃើញបណ្តាតារាកំប្លែងទាំងនោះ សុទ្ធតែពាក់អាវពណ៌ផ្ទៃមេឃ និងស ជាមួយមួករូបសញ្ញាគណបក្សប្រជាជន។ នៅលើឆាក ដដែលមានក្រុមនាយឃ្លោក មានការសប្បាយរីករាយយ៉ាងខ្លាំង មានទាំងអ្នកច្រៀង និងអ្នករាំថែមទៀតផង។
នៅលើឆាកនៃប្រគំតន្ត្រីនោះដែរ គឺមានវត្តមាននាងឃ្មឹប នាយឃ្លោក នាយចេក និងក្រុមសិល្បៈផ្សេងទៀតជាច្រើននាក់ ដោយមានភាពរីករាយក្នុងថ្ងៃឃោសនា អ្នកដែលមកចូលរួមនាំគ្នារាំលេងក្រោមកំដៅថ្ងៃ ទាំងស្រី ទាំងប្រុស៕
