តំណាងរោងចក្រ វីងស្តារស៊ូស ចេញមុខទទួលខុសត្រូវ ចំពោះអ្នកស្លាប់ និង របួសក្នុងហេតុការណ៏បាក់ប្លង់សេ
Cambodia News
ភ្នំពេញ៖ ក្រុមអ្នកតំណាងរោងចក្រស្បែកជើង វីង ស្តារ ស៊ូស (Wing Star shose ) ដែលជួបហេតុការណ៏អាក្រក់បាក់ប្លង់សេ ឡៅតឿ បណ្ដាលឲ្យកម្មករយ៉ាងហោចណាស់៣នាក់ស្លាប់និងជាងដប់នាក់ទៀតរងរបួស កាលពីព្រឹកម្សិលមិញនោះ បានបង្ហាញមុខនៅក្នុងសន្និសីទកាសែតឯសណ្ឋាគារភ្នំពេញ នាព្រឹកថ្ងៃ សុក្រ ទី ១៧ នេះ ដោយអះអាងពីការទទួលខុសត្រូវចំពោះសំណងនានា សម្រាប់ជនរងគ្រោះ ទាំងអ្នកស្លាប់ និង អ្នករងរបួស។
នៅក្នុងសន្និសីទកាសែតនេះ គឺជាការបញ្ជាក់បន្ថែមទៀតដែលមានលក្ខណផ្លូវការ ខណៈកាលពីម្សិលមិញអ្នកតំណាងម្នាក់នៃរោងចក្រនេះ បានអះអាងថា អ្នកស្លាប់ម្នាក់ទទួលប្រាក់ឧបត្ថម្ភ ពីរោងចក្រចំនួន ៦.០០០ដុល្លារ និង អ្នករបួស ១៥០០ដុល្លារនោះ ។
ប្លង់សេឡៅតឿនៃរោងចក្រស្បែកជើង វីងស្តារស៊ូស ដែលមានអ្នកបំរើការងារសរុប ៧៨០០នាក់ និង មានទីតាំងតាមបណ្ដោយផ្លូវជាតិលេខ៣ ស្ថិតក្នុងភូមិ អង្គសុគន្ធា ឃុំ មហាប្ញស្សី ស្រុក គងពិសី ខេត្ត កំពង់ស្ពឺ បានបាក់រលំកាលពីវេលាម៉ោងជាង៧ព្រឹក ម្សិលមិញ បណ្ដាលឲ្យមានអ្នកស្លាប់ ៣នាក់ និង របួសជាងដប់នាក់៕
