អាម៉េរិកកំពុងរិះរកថ្នាំបង្ការសន្ដានថ្មីនៃវីរុសគ្រុនផ្ដាសាយបក្សី
មជ្ឈមណ្ឌលដើម្បីការគ្រប់គ្រងជំងឺរបស់ អាម៉េរិក និយាយថា ខ្លួនកំពុងតែឃ្លាំមើលលើសន្ដានថ្មីនៃវីរុសគ្រុនផ្ដាសាយបក្សី ហើយក៏បានចាប់ផ្ដើមស្រាវជ្រាវរកថ្នាំបង្ការ។
រហូតមកទល់ពេលនេះ គេគ្រាន់តែដឹងថាមានសន្ដានថ្មីនៃវីរុសដែលហៅថា H7N9 នៅក្នុងប្រទេសចិនប៉ុណ្ណោះ។
មានមនុស្ស ៥នាក់ស្លាប់ហើយដោយសន្ដានវីរុសថ្មីនេះ ប៉ុន្តែគេនៅមិនទាន់រកឃើញថាវាអាចឆ្លងពី មនុស្សទៅមនុស្សនៅឡើយទេ។
វ៉ិបសាយថ៍របស់មជ្ឈមណ្ឌលនេះ និយាយថា ខ្លួនកំពុងតែតាមដានស្ថានការណ៍យ៉ាងដិតដល់ ហើយសម្របសម្រួលគ្នាជាមួយដៃគូជាតិនិងអន្តរជាតិ៕(Radio Australia)