ក្រុមហ៊ុន News Corp កំពុង​លក់​ភាគហ៊ុន​ក្នុង Sky TV

ក្រុមហ៊ុនNews Corporation ​ដែលជា​ប្រព័ន្ធ​ផ្សព្វផ្សាយ​ដ៏​ធំ​មួយ​ក្នុង​ពិភព​លោក កំពុង​តែ​លក់​ភាគហ៊ុន​៤៤% របស់​ខ្លួន​នៅ​ក្នុង​ក្រុមហ៊ុន​ទូរទស្សន៍​ខ្សែ​កាប​របស់​ប្រទេស​ នូវ៉ែលហ្សេឡង់​ឈ្មោះ Sky Network Television។

សាខា ​ក្រុមហ៊ុន News Corporation នៅ​ក្នុង​ប្រទេស​អូស្រ្ដាលី​ឈ្មោះ News Limited បច្ចុប្បន្ន​មាន​ភាគហ៊ុន​នេះ​នៅ​ក្នុង​ទូរទស្សន៍ SKY TV ដែល​មាន​តម្លៃ​ជា​ទឹក​ប្រាក់​៧០៣​លាន​ដុល្លារ។

ក្រុម​ហ៊ុន News Limited និយាយ​ថា ក្រុមហ៊ុន​នឹង​បន្ដ​ធ្វើ​ការ​ជា​មួយ​នឹង​ប៉ុស្ដិ៍​ទូរទស្សន៍ SKY TV ទោះ​បី​ជា​មាន​ការ​ផ្លាស់​ប្ដូរ​នៃ​ម្ចាស់​ហ៊ុន​យ៉ាង​ណា​ក្ដី៕ (Radio Australia)