ពលរដ្ឋអូស្រ្ដាលីអាយុ៩៣ឆ្នាំឡើងតុលាការនៅថៃអំពីបទបំពានផ្លូវភេទកុមារ
ពលរដ្ឋអូស្រ្ដាលីម្នាក់អាយុ៩៣ ឆ្នាំដែល កំពុងឡើងតុលាការនៅប្រទេស ថៃពីបទល្មើសបំពានផ្លូវភេទកុមារ ត្រូវគេព្យួរទុកករណីរឿងក្ដីរបស់គាត់ ដោយសារមូលហេតុបញ្ហាសុខភាព។
លោក Karl Joseph Kraus អាយុ៩៣ឆ្នាំហើយនោះ បានរងការចោទប្រកាន់ថាបានបំពានផ្លូវភេទស្រ្ដីថៃ៤នាក់ដែលជាបង ប្អូនគ្នារស់នៅក្រុងឈៀងម៉ៃប៉ែកខាងជើងប្រទេសថៃ។
អតីតពល រដ្ឋអូស្រ្ដាលីនៅក្រុងស៊ីដនីយ៍តែមានដើមកំណើតជាជនជាតិអាល្លឺម៉ង់ កាន់លិខិតឆ្លងដែនអូស្រ្ដាលី បានចំណាយពេលច្រើនឆ្នាំកន្លងទៅនេះរស់នៅក្នុងប្រទេសថៃ។
មេធាវី ការពារក្ដីលោក Karl Joseph Kraus បានលើកហេតុផលថា កូនក្ដីរបស់គាត់មានជំងឺធ្លាក់ទឹកចិត្ដធ្ងន់ធ្ងរ ហើយមានការពិបាកក្នុងការប្រាស្រ័យទាក់ទងគ្នាដោយសារតែការភាន់ ច្រឡំ និងការថ្លង់ស្ដាប់មិនឮរបស់គាត់។ ចុងចោទក៏បាននិយាយថា គាត់មានជំងឺមហារីកប្រូស្ដាតផងដែរ។
លោកត្រូវអាជ្ញាធរលប់ចោល នូវការអនុញ្ញាតឲ្យនៅក្រៅឃុំ នៅពេលលោករត់គេចខ្លួនទៅប្រទេសមីយ៉ាន់ម៉ាកាលពីឆ្នាំមុន ប៉ុន្ដែបានត្រឡប់មកប្រទេសថៃវិញ។
លោកត្រូវដាក់ពាក្យសុំនៅ ក្រៅឃុំឡើងវិញនៅសប្ដាហ៍ក្រោយ មុនពេលគេអនុញ្ញាតឲ្យបង់ប្រាក់លោះនៅក្រៅឃុំរយៈពេល២ខែ ដោយមូលហេតុបញ្ហាសុខភាព៕ (Radio Australia)
