ដួង ស្រីពេជ្រ សម្ញែងរូបថតបង្អួតដើមទ្រូង នៅលើ Facebook
Cambodia News
ព័ត៌មានកម្សាន្ត
ភ្នំពេញ៖ ដួង ស្រីពេជ្រ តារាសម្ដែង កំពុងក្ដោបក្ដាប់ប្រជាប្រិយភាព តាមរយៈឈុត ខារ៉ាអូខេនានា ក្នុងផលិតកម្មល្បីៗក្នុងស្រុក បានបង្ហោះរូបភាពលេង ដើមទ្រូងជាច្រើនសន្លឹក នៅលើហ្វេសប៊ុក ( Facebook ) របស់នាង ដែលធ្វើឲ្យមិត្តភក្តិមានការចាប់អារម្មណ៍ និងភ្ញាក់ផ្អើលយ៉ាងខ្លាំង ។
ដួង ស្រីពេជ្រ ជាតារាសម្តែង វ័យក្មេងមួយរូប ដែលមានប្រជាប្រិយភាព ចាប់តាំងពីរូបនាង បានប្រឡូកក្នុង វិស័យសិល្បៈជាលើកដំបូង ។ នេះដោយសារតែ ស្រីពេជ្រ មានសម្រស់ស្រស់ស្អាត និងមានទេពកោសល្យ ខ្ពស់ទើបធ្វើឲ្យនាងមានភាព ល្បីល្បាញ ឆាប់រហ័សយ៉ាងនេះ ។
ស្រីពេជ្រ ធ្លាប់បានប្រឡូក ក្នុងការប្រឡងជ្រើសរើស ជាពិធីការិនីដែលកាលនោះ នាងទទួលបាន ជ័យលាភីលេខ ២ តារារូប និងមិនដែលបាន ហាត់រៀននៅតាមក្លឹបក្នុងការសម្តែងនោះទេ ។ នាពេលកន្លងមក តារាសម្តែងវ័យក្មេង ដែលមានដើមទ្រូងធំមូលក្បំរូបនេះ ធ្លាប់មានពាក្យលេចឮថា មានម៉ែយែមតាមលូងលោម ចង់យកនាងទៅញ៉ាំបាយ ជាមួយបុរសសម្បូរ ទ្រព្យសម្បត្តិស្តុកស្តម្ភ តែត្រូវ បានដួង ស្រីពេជ្រ បដិសេធ ។
ស្រីតូចច្រឡឹង ដួង ស្រីពេជ្រ រាល់ការសម្តែងកាយវិការ បទចម្រៀង ក៏ដូចជានៅក្នុង ខ្សែភាពយន្ត ត្រូវបានមហាជន កោតសរសើរថា នាងប៉ិនប្រសព្វសម្តែងណាស់ ។ ជាងនេះទៅទៀតនោះ ស្រីពេជ្រ ត្រូវបានផលិតកម្មធំៗ ក្នុងនិងក្រៅស្រុកបាន មកទាក់ទងឲ្យ រូបនាងទៅសម្តែង ព្រោះថាការសម្តែងកាយវិការ និងទឹកមុខក្រមិចក្រមើមក៏ដូចជាការតុបតែងខ្លួនរបស់នាង គឺស័ក្តិសមចំពោះស្រទាប់យុវវ័យនាពេលបច្ចុប្បន្ន។
ចំពោះការលេងស្តាយល៍សម្លៀក បំពាក់របស់តារាសម្តែងរូបនេះ ហាក់បីដូចជាមាន ភាពសិចស៊ីឆើតឆាយ មិនធម្មតាទេ បើតាមការមើលឃើញ នៅលើ Account Facebook របស់នាង ។ នេះគ្រាន់តែជាការចង់ បង្ហាញពីភាព សិចស៊ីក៏ដូចជាស្តាយល៍ ដើម្បីឲ្យមិត្តភក្កិនៅក្នុង Facebook របស់នាងបានឃើញ ។
ការប្រកាន់គោលជំហបែបនេះ ត្រូវបានគេគិតថា ដួង ស្រីពេជ្រ អាចបង្កើនការគាំទ្រ របស់ខ្លួនបានមួយ កម្រិតទៀត តែកុំភ្លេចថា នាងក៏ត្រូវបានគេ រិះគន់ផងដែរ ប្រសិនបើនាង បញ្ចេញរូបនេះមាន លក្ខណៈហួសហេតុពេក៕ ដោយ៖ ស.រ
