ហឹបវិញ្ញាសាប្រឡងបាក់ឌុបត្រូវដឹកទៅកាន់រាជធានី-ខេត្តទាំង២៥
សារព័ត៌មាន Cambodia News/
ភ្នំពេញ (២១ សីហា ២០១៥) ៖ នាព្រឹកថ្ងៃទី២១ ខែសីហា ឆ្នាំ២០១៥នេះ ប្រធានគណៈមេប្រយោគទូទាំងប្រទេស ប្រធានគណៈអប្បមាទទូទាំងប្រទេសប្រចាំរាជធានី-ខេត្ត បានរៀបចំ និងដឹកជញ្ជូនហឹបវិញ្ញាសាទៅកាន់រាជធានី-ខេត្តទាំង២៥។
សកម្មភាពនេះ មានការចូលរួមសង្កេតការណ៍ពីអង្គភាពប្រឆាំងអំពើពុករលួយ អ្នកសង្កេតការណ៍ និងដៃគូអភិវឌ្ឍន៍វិស័យអប់រំ ដើម្បីត្រៀមសម្រាប់ដំណើរការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ដែលនឹងប្រព្រឹត្តទៅនៅដើមសប្តាហ៍ក្រោយនេះ ពោលគឺនៅថ្ងៃទី២៤-២៥ ខែសីហា ឆ្នាំ២០១៥។ នេះបើយោងតាមគេហទំព័រហ្វេសប៊ុកក្រសួងអប់រំ ចេញផ្សាយនាព្រឹកថ្ងៃទី២១ ខែសីហា៕
