កម្ពុជាបញ្ជូនរថយន្ត ១២៣គ្រឿង នាំពលករ ខ្មែរចេញពីប្រទេសថៃ
សារព័ត៌មាន Cambodia News/
ភ្នំពេញ (១៣ មិថុនា ២០១៤) ៖ កាលពីល្ងាចថ្ងៃទី១២ ខែមិថុនា កងពលតូច ដឹកជញ្ជូនលេខ៩៩ បានបញ្ជូន រថយន្តចំនួន១២៣ គ្រឿង ដើម្បីនាំក្រុមពលករខ្មែរ ខុសច្បាប់ ដែលទើបត្រឡប់មកពីប្រទេសថៃ ក្រោយ របបយោធា របស់ក្រុងបាងកក ប្រកាសមិនឱ្យ ក្រុមហ៊ុន រោងចក្រ សហគ្រាស នៅទូទាំង ប្រទេសថៃ ទទួលធ្វើការនោះ បញ្ជូនទៅកាន់ស្រុកកំណើតវិញ។
រថយន្តដែលបញ្ជូនទៅទាំង១២៣ គ្រឿងនេះ លោកឧត្តមសេនីយ៍ទោ លោក ហ៊ុល សំអុន ជាអ្នកនាំក្បួនដោយផ្ទាល់ រថយន្តទំាងនោះគឺសម្រាប់ជូនដំណើរ បងប្អូនពលករ ខ្មែរយើងទៅកាន់ស្រុកកំណើតរបស់គាត់វិញ ដែលទៅទូទាំងប្រទេសតាមបណ្តាខេត្ត-ក្រុងទំាង២៤ នោះ។
សូមបញ្ជាក់ផងដែរថា ពលករខ្មែរដែលទើបចាកចេញពីប្រទេសថៃ ទាំងអស់នោះ ត្រូវបានគេមើលឃើញថា ភាគច្រើនបានជួបបញ្ហាខាង ថវិកាយ៉ាងខ្លាំង ព្រោះតែពលករខ្លះ មិនទាន់បានបើកប្រាក់ខែ ក៏ត្រូវចាកចេញ ពីប្រទេសថៃ ដូច្នេះពួកគាត់ពុំមានលទ្ធភាពនិងធ្វើដំណើរទៅកាន់ផ្ទះសំបែងស្រុកកំណើត របស់ខ្លួនឡើយ៕
