នៅព្រឹកថ្ងៃទី២៤មិថុនានេះ អ្នកស្លាប់ករណីបាក់អគារនៅក្រុងព្រះសីហនុកើនដល់២៤នាក់ហើយ
សារព័ត៌មាន Cambodia News/
ព្រះសីហនុ (២៤ មិថុនា ២០១៩) ៖ តាមសេចក្តីរាយការណ៍ពីក្រុមប្រតិបត្តិការសង្គ្រោះករណីបាក់អគារនៅក្រុងព្រះសីហនុ បានឲ្យដឹងថា គិតត្រឹមម៉ោង៦ព្រឹកថ្ងៃទី២៤ ខែមិថុនាឆ្នាំ ២០១៩នេះ ចំនួនអ្នកស្លាប់កើនដល់២៤នាក់ហើយ និងអ្នករបួសនៅរក្សាចំនួន២៤នាក់ដដែល ក្រោយក្រុមសង្គ្រោះបានរកឃើញសាកសពបុរស៣នាក់ទៀតនៅក្នុងគំនរបាក់បែកនៃអគារកាលពីយប់រំលងអធ្រាត្រចូលថ្ងៃ២៤មិថុនានេះ។
សរុបជនរងគ្រោះរហូតមកត្រឹមម៉ោង៦ព្រឹកថ្ងៃ២៤មិថុនានេះ មានចំនួន៤៨នាក់ក្នុងនោះស្លាប់២៤នាក់(ស្រី៤នាក់) និងរងរបួសចំនួន២៤នាក់(ស្រី២នាក់) បច្ចុប្បន្នក្រុមសង្គ្រោះកំពុងបន្តបេសកកម្មស្វែងរកជនរងគ្រោះចុងក្រោយទៀត ដែលតាមការខិតខំអស់ពីកម្លាំងកាយចិត្តគេសង្ឃឹមថាប្រតិបត្តិការនេះអាចនឹងបញ្ចប់នៅថ្ងៃនេះ៕
