ក្លោងទ្វាអង្គរសង្ក្រាន្ត ត្រូវខ្យល់បក់ បណ្តាលអោយ បាក់រូប សំណាកពពែ និងក្បាច់មួយចំនួន (មានវីដេអូ)
នាង/សារព័ត៌មាន Cambodia News/
សៀមរាប (០៧ មេសា ២០១៥) ៖ មួយរយៈចុងក្រោយនេះ ក្លោងទ្វាសំរាប់ទទួលស្វាគមន៍អង្គរសង្ក្រាន្តឆ្នាំថ្មី ២០១៥ ទទួលរងការរិះគន់យ៉ាងខ្លាំង នៅក្នុង បណ្តាញសង្គមហ្វេសប៊ុក និងមហាជនមួយចំនួន ដោយសារតែតាមមតិផ្ទាល់ខ្លួនរបស់ មហាជនមួយចំនួនគិតថា ក្បាច់រចនារបស់ ក្លោងទ្វា នោះមាន លក្ខណៈស្រដៀងនឹងក្បាច់រចនារបស់ប្រទេសចិន និងវៀតណាម។ [អានបន្ត]
ខណៈកំពុងទទួលការរិះគន់នោះ ស្រាប់តែពេលល្ងាចកាលពីថ្ងៃទី០៦ ខែមេសា មានខ្យល់បក់ដ៏ខ្លាំង មួយបាន បោកបក់ បណ្តាលអោយរលំ និងបាក់បែករូបសំណាកពពែ និងក្បាច់រចនាមួយចំនួនរបស់ក្លោងទ្វានោះតែម្តង។
យ៉ាងណាមិញ ចំពោះការរិះគន់នេះ ត្រូវបានខាងសហព័ន្ធយុវជន មាន អំណះអំណាងថា ក្លោងទ្វានោះប្រើប្រាស់ក្បាច់រចនារបស់ខ្មែរសុទ្ធសាធ។
នៅព្រឹកថ្ងៃទី០៧មេសានេះនេះដែរ តាមរូបភាពបង្ហាញនៅលើបណ្តាញសង្គមហ្វេសប៊ុកបានឱ្យដឹងថា ខ្លោងទ្វារអង្គរសង្រ្កាន្ត ក៏ត្រូវបានគេលួចដុតបំផ្លាញផងដែរ កាលពីយប់មិញ ហើយខណៈពេលនេះ មន្ត្រីសមត្ថកិច្ចកំពុងចុះទៅពិនិត្យមើល និងរៀបចំនៅទីនោះ៕
