គ្រោះថ្នាក់ចរាចរណ៍ថ្ងៃទី១០ មិថុនា ស្លាប់ ៤នាក់ រងរបួសធ្ងន់ ១៨នាក់
សារព័ត៌មាន Cambodia News/
ភ្នំពេញ(១១ មថុនា ២០១៥) ៖ កាលពីថ្ងៃទី១០ ខែមិថុនា ឆ្នាំ២០១៥ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១០លើក ក្នុងនោះយប់២លើក, បណ្ដាលអោយមនុស្សស្លាប់៤នាក់(ស្រីម្នាក់) រងរបួសធ្ងន់ ១៨នាក់(ស្រី៧នាក់),និងរបួសស្រាល៤នាក់(ប្រុស) នេះបើយោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ។
នៅក្នុងករណីគ្រោះថ្នាក់ចរាចរណ៍ទាំង ១០លើកនេះ បានបង្កឲ្យមានការខូចខាតយានយន្តសរុប១៥ គ្រឿង ក្នុងនោះមានម៉ូតូចំនួន១០គ្រឿង, រថយន្តធុនតូច៤គ្រឿង,រថយន្តធុនធំ១គ្រឿង និងថ្មើរជើង៣នាក់។
របាយការខាងលើប្រាប់បន្តថា មូលហេតុដែលបណ្ដាលឲ្យកើតមានហេតុការណ៍គ្រោះថ្នាក់ចរាចរណ៍ រួមមាន ល្មើសល្បឿន៥លើក, មិនប្រកាន់ស្តាំ១លើក,បើកងងុយដេក១លើក,កត្តាអាកាសធាតុ១លើក និងមនុស្សដើរឆ្លងផ្លូវ១លើក ។ ចំពោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន១២នាក់(យប់២នាក់)៕
