ក្រសួងទេសចរណ៍ហាមមិនឲ្យប្រើប្រាស់ឈ្មោះម្ហូប “ព្រះផ្លោះជញ្ជាំងស៊ុប”
សារព័ត៌មាន Cambodia News/
រាជធានីភ្នំពេញ (១៧ កញ្ញា ២០១៨) ៖ ឈ្មោះមុខម្ហូប “ព្រះផ្លោះជញ្ជាំងស៊ុប” ត្រូវបានក្រសួងទេសចរណ៍ បានអំពាវនាវដល់ម្ចាស់អាជីវកម្មទាំងអស់ បញ្ឈប់ការប្រើប្រាស់ ដោយឈ្មោះហូបនេះបានប៉ះពាល់ដល់សាសនា។ នេះបើយោងតាមសារាចរណែនាំ ស្តីពីការហាមប្រាមការប្រើប្រាស់បញ្ជីមុខម្ហូបឈ្មោះ “ព្រះផ្លោះជញ្ជាំងស៊ុប” ចុះកាលពីថ្ងៃទី១៤ ខែកញ្ញា ឆ្នាំ២០១៨។
ក្រសួង បានស្នើឲ្យគ្រប់អាជីវកម្ម ភោជនីយដ្ឋាន និងអាហារដ្ឋានទាំងអស់ មិនត្រូវប្រើប្រាស់នូវឈ្មោះមុខម្ហូបទាំងឡាយណាដែលប៉ះពាល់ដល់សាសនាឡើយ។ ក្រសួងបន្ថែមថា ក្នុងករណីអនុវត្តល្មើសនឹងសារាចរណែនាំខាងលើ អាជីវកម្មទាំងនោះនឹងត្រូវរងការពិន័យតាមផ្លូវច្បាប់៕
