ស្រ្តីកម្ពុជាកាន់តែច្រើនដែលមានតួនាទីក្នុងសង្គម
ភ្នំពេញ៖ នៅថ្ងៃទី០១ មីនា ២០១៣នេះ ក្រុមមន្រ្តី និងនិស្សិតកម្ពុជា ជាង២០០នាក់បានជួបជុំគ្នា ដើម្បីស្វែងយល់បន្ថែមពីការលើកកម្ពស់សិទ្ធិស្រ្តីនៅកម្ពុជា ដើម្បីអបអរសារទទិវាសិទ្ធិនារីអន្តរជាតិ ៨មីនា។
អនុរដ្ឋលេខាធិការក្រសួងកិច្ចការនារី លោកស្រី ហោ ម៉ាលីន បានថ្លែងថា ក្នុងសង្គមកម្ពុជា ការគោរពសិទ្ធិឱ្យតម្លៃសិទ្ធិនារីកាន់តែមានច្រើនឡើង ដែលមុននេះស្រ្តីត្រូវបានគេរើសអើង ដោយប្រដូចទៅនឹងភាសិតមួយថា “បង្វិលចង្រ្កានមិនជុំជាដើម”។
លោកស្រី បន្តថា ការចូលរួមគោរពសិទ្ធិស្រ្តីបែបនេះ ក៏ដោយសារតែមានការយល់ដឹងកាន់តែច្រើនអំពីតម្លៃស្រ្តី ដែលមិនអាចខ្វះបាននៅក្នុងការអភិវឌ្ឍសង្គម ដូចអ្វីដែលរដ្ឋាភិបាលចាត់ទុក ស្រ្តីជាឆ្អឹងខ្នងសង្គម។
លោកស្រីបានលើកឧទាហរណ៍ជាក់ស្តែងមានអាទិ៍ថា កម្ពុជាមានឧបនាយករដ្ឋមន្រ្តីជាស្រ្តី, ថ្នាក់ដឹកនាំរដ្ឋសភាក៏មានស្រ្តី និងតាមស្ថាប័នរដ្ឋ និងឯកជនដទៃក៏យ៉ាងដូច្នោះដែរ។ មិនតែប៉ុណ្ណោះ លោកស្រីក៏បានលើកឡើងថា សមត្ថភាពរបស់ស្រ្តីមានដូចបុរសដែរ៕
