នាយករដ្ឋមន្ត្រីថា អ្នកជេរសម្តេចរាសីមិនដល់ ប្រយ័ត្នរន្ទះបាញ់
សារព័ត៌មាន Cambodia News/
ភ្នំពេញ ៖ ថ្លែងនៅចំពោះមុខកម្មករ-កម្មការិនីសរុបចំនួនជាង២៨,៥៨៤នាក់មកពីរោងចក្រ សហគ្រាសចំនួន២៦នៅក្នុងក្រុងបាវិត ខេត្តស្វាយរៀងនៅព្រឹកថ្ងៃទី៩ ខែឧសភានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានមាន ប្រសាសន៍ថា អ្នកដែលជេរសម្តេចខ្លាំងបំផុត គឺប៉ុល ពត អតីតមេដឹកនាំរបបប្រល័យពូជសាសន៍ ហើយដែលបន្តជេរសម្តេចរាល់ថ្ងៃប្រយ័ត្នត្រូវរន្ទះបាញ់ ដោយសារតែរាសីចាញ់សម្តេច ។
សម្តេចតេក៏បានបញ្ជាក់ថា ការរិះគន់ ការវាយប្រហារដោយពាក្យសម្តីរបស់បក្សប្រឆាំងកាន់តែខ្លាំង គឺសម្តេចយល់ថា សម្តេចកំពុងដឹកនាំប្រទេសក្នុងផ្លូវដែលត្រឹមត្រូវ ។ សម្តេចតេជោបញ្ជាក់យ៉ាងដូច្នេះថា ៖ «អញ្ចឹងទេ អ្នកឯងជេរកាន់តែខ្លាំង ខ្ញុំយល់ថា ខ្ញុំធ្វើកាន់តែត្រូវ» ។
ប៉ុន្តែជេរមិនស្រួល រាសីមិនដល់រន្ទះបាញ់ងាប់ អានឹងនិយាយពិត ។ ព្រោះរាសីអ្នកឯងមិនដល់ខ្ញុំ អញ្ចឹងជួនកាលវាអាចផ្លូវងងឹង វាអាចគ្រោះថ្នាក់ខ្លួនឯងវិញទេ ។ ព្រោះខ្ញុំដឹងថា អ្នកជេរខ្ញុំទាំងប៉ុន្មានមួយចំនួនវាងាប់បាត់ទៅហើយ ។ វាងាប់ខានជេរ អាហ្នឹងមកពីរាសីវាមិនដល់» ៕
