សម្តេចតេជោ ចុះសួរសុខទុក្ខបងប្អូនប្រជាពលរដ្ឋ និងក្រុមអាជីវករ នៅខេត្តក្រចេះ
សារព័ត៌មាន Cambodia News/
ក្រចេះ (២៨ កក្កដា ២០១៦) ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២៨ ខែកក្កដា ឆ្នាំ២០១៦នេះ បានអញ្ជើញចុះសួរសុខទុក្ខបងប្អូនប្រជាពលរដ្ឋ ក្រុមអាជីវករ និងសិស្សានុសិស្ស នៅទីរួមខេត្តក្រចេះ។
ដំណើរនេះទទួលបានការសាទរយ៉ាងខ្លាំង ពីប្រជាពលរដ្ឋ ក្នុងនោះអ្វីដែលគួរឲ្យភ្ញាក់ផ្អើល គឺសម្តេចបានប្រកាសជួយសាងសង់ផ្សារអូឬស្សីក្រចេះក្រុងឡើងវិញ ជូនក្រុមអាជីវករដោយឥតគិតថ្លៃ និងសាងសង់សាលាចំនួន៣ខ្នង មាន៤៨បន្ទប់ ជូនលោកគ្រូអ្នកគ្រូ សិស្សានុសិស្ស នៅអនុវិទ្យាល័យក្រចេះក្រុង។
ខណៈនោះ ដែរ សម្តេចបានចូលត្រួតពិនិត្យ និងសួរសុខទុក្ខក្រុមអាជីវករ នៅផ្សារសាមគ្គីក្រុងក្រចេះ ជាផ្សារដែលសម្តេចបានជួយសាងសង់ ដោយឥតគិតថ្លៃ ជូនក្រុមអាជីវករ និងដាក់ឲ្យប្រើប្រាស់ឡើងវិញ នៅក្នុងឆ្នាំ២០១២ បន្ទាប់ពីទទួលរងការខូចខាតអគ្គីភ័យ នៅក្នុងឆ្នាំ២០១១៕
