ពេលស្រវឹងយកអង្រែបុកគ្រឿងវាយប្រពន្ធរហូតដល់សន្លប់
បុរសម្នាក់ពេលផឹកស្រវឹងបានស្រែកឡូឡាហៅប្រពន្ធឱ្យបើកទ្វារ លុះប្រពន្ធចេញមក ស្រាប់តែធាក់ប្រពន្ធមួយជើងវ រួចយកអង្រែបុកគ្រឿងវាយរហូតសន្លប់ស្ដូកស្ដឹងនៅនឹងកន្លែង។
អំពើហិង្សានេះបានកើតឡើងកាលពីវេលាម៉ោង១០យប់ថ្ងៃទី១៩ កុម្ភៈ នៅបន្ទប់ជួលក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ។ ស្ដ្រីរងគ្រោះឈ្មោះមាន សំណាង អាយុ៣២ឆ្នាំ រីឯប្តីឈ្មោះដេត អាយុ៣២ឆ្នាំ ជាកម្មករនៅកុងស៊ីកាប់ជ្រូក។
ក្រោយពីកើតហេតុស្ត្រីរងគ្រោះត្រូវបានបងស្រីដឹកយកទៅសង្គ្រោះនៅ មន្ទីរពេទ្យព្រះកុសុមៈ ។ ចំណែកបុរសជាប្ដីត្រូវសមត្ថកិច្ចនាំទៅសាកសួរពីមូលហេតុដែល ប្រើអំពើហិង្សាក្នុងគ្រួសារ ៕
