ប្រទេសឥណ្ឌូណេស៊ីចាប់ផ្តើមធ្វើការស៊ើបអង្កេតលើករណីលក់ទារកតាមប្រព័ន្ធអ៊ិនធើរណិត
នគរបាលប្រទេសឥណ្ឌូណេស៊ីកំពុងចាប់ផ្តើម ធ្វើការស៊ើបអង្កេតលើករណីផ្សាយពាណិជ្ជកម្មលក់ទារកចំនួនពីរនាក់ ដែលបានផ្សព្វផ្សាយតាមគេហទំព័រទិញទំនិញដ៏មានប្រជាប្រិយភាព មួយរបស់ប្រទេសនេះ។
ការផ្សាយពាណិជ្ជកម្មនេះដាក់លក់ទារកចំនួនពីរនាក់ មានអាយុ ១៨ ខែក្នុងតម្លៃ ១០លានរូពី ក្នុងទារកមួយនាក់ (ប្រហែល ១០០០ដុល្លារអូស្ត្រាលី)។ នគរបាលបង្រ្កាបបទល្មើសតាមប្រព័ន្ធអ៊ិនធើរណិតកំពុងធ្វើការស៊ើប អង្កេតថាតើករណីនេះទាក់ទងទៅនឹងការជួញដូរកុមារ ឬយ៉ាងណា។
ប៉ុន្តែ អ្នកយកព័ត៌មានតាមទូរទស្សន៍ក្នុងស្រុកមួយរូប ដែលបានចាត់បន្លំធ្វើអ្នកចង់ទិញទារកនោះបានរកឃើញថាបុរសដែល មានឈ្មោះថា Farkhan ដែលសរសេរនៅក្នុងការផ្សាយពាណិជ្ជកម្មនោះបាននិយាយថា ខ្លួនគ្មានទារក ហើយថាមិនដឹងពីការផ្សាយពាណិជ្ជកម្មនោះទេ។
ទោះ ជាយ៉ាងនេះក្តី ក៏មានការអំពាវនាវឲ្យមានការបង្រ្កាបជាបន្ទាន់ទៅលើការជួញដូរ កុមារ។ គណៈកម្មការការពារកុមារប្រទេសនេះបាននិយាយឲ្យដឹងថា ការចាប់ជំរិតកុមារ និងការជួញដូរកុមារគឺជាជំនួញដ៏ធំនៅក្នុងប្រទេសនេះ៕ (Radio Australia)
