រថយន្តក្រុងសាធារណៈគ្រោងនឹងបើកឲ្យដំណើរការឡើងវិញ នឹងមានវិធានការទប់ស្កាត់ជំងឺ COVID-19
សារព័ត៌មាន Cambodia News/
ភ្នំពេញ ៖ យោងតាមការឲ្យដឹងពីមន្ត្រីរាជធានីភ្នំពេញបានបញ្ជាក់ថា សេវារថយន្តក្រុង សាធារណៈគ្រោងនឹងបើកឲ្យដំណើរការឡើងវិញនាពេលឆាប់ៗ ខាងមុខនេះ បន្ទាប់ពីត្រូវ ផ្អាកដោយសាររឿងឆ្លង COVID-19 ។ ប៉ុន្តែអនុញ្ញាតឲ្យដាក់អ្នកដំណើរត្រឹមតែ២០នាក់ប៉ុណ្ណោះ ក្នុង១គ្រឿងៗ ។
លោក អ៊ាន សុឃីម អភិបាលនៃរដ្ឋាករស្វយ័តដឹកជញ្ជូនសាធារណៈរថយន្តក្រុងរាជធានី ភ្នំពេញថ្លែងប្រាប់អ្នកសារព័ត៌មានកាលពីម្សិលមិញថា ការបើកដំណើរការសេវារថយន្តក្រុង សាធារណៈឡើងវិញ នេះក៏នឹងមានវិធានការដើម្បីអនុវត្តក្នុងការទប់ស្កាត់ជំងឺ COVID-19 ផងដែរ ដោយមិនធ្វេសប្រហែសនោះឡើយដូចជា ការប្រើប្រាស់ទឹកអាល់កុលសម្រាប់ អ្នកដំណើរ, វាស់កម្តៅ, តម្រូវឲ្យពាក់ម៉ាស់ពេលជិះរថយន្តក្រុង, ការរក្សាគម្លាតរវាងអ្នកជិះ និងការដាក់ឲ្យមានប្រដាប់សម្រាប់សម្លាប់មេរោគនៅក្នុងរថយន្តក្រុងជាដើម ។
លោកបញ្ជាក់បន្ថែមថា ការបើកដំណើរការឡើងវិញនូវរថយន្តក្រុងសាធារណៈនេះខាងទីភ្នាក់ ងារសហប្រតិបត្តិការជប៉ុនប្រចាំកម្ពុជា ( JICA ) ក៏គ្រោងជួយឧបត្ថម្ភរបាំងមុខសម្រាប់អ្នកបើក បរ,រៀបចំរបាំងរវាងអ្នកបើកបរនិងអ្នកជិះ, ឧបករណ៍វាស់កម្តៅនិងស្រោមដៃផងដែរ ៕
