លោក ហ៊ុន សែន កោតសរសើរធនធានមនុស្ស នៅកម្ពុជាមានការរីកចំរើន
ភ្នំពេញ៖ នៅក្នុងពិធីចុះចែកសញ្ញាបត្រ ដល់និស្សិតសកលវិទ្យាល័យ វ៉ាន់ដាគណនេយ្យ នាព្រឹកថ្ងៃទី២៩មករា ២០១៣ លោកនាយករដ្ឋមន្រ្តី ហ៊ុន សែន បានមានប្រសាសន៍ ថា មានការអភិវឌ្ឍន៍រីកចំរើនយ៉ាងអស្ចារ្យ ដោយ បានចូលរួមក្នុងសកម្មភាពអន្តរជាតិ ជាច្រើន ពិសេសបានបំពេញបេសកកម្ម នៅក្រៅប្រទេសជាច្រើន។
លោក ហ៊ុន សែនបន្តថា “ពេលដែលយើងធ្វើជាម្ចាស់ នៃកិច្ចប្រជុំអាស៊ាន ប្រជុំថ្នាក់រដ្ឋមន្រ្តី គឺថាខ្មែរធ្វើទាំងអស់ ការពិគ្រោះយោបល់ជាមួយដៃគូសន្ទនា ព្រោះប្រជុំអាស៊ាន ទាល់តែមានកុងសង់ស៊ីល ក្នុងចំណោមប្រទេស១០ ប៉ុន្តែយុវជនកម្ពុជា ដែលបានចូលរួម ក្នុងរយៈពេលកន្លង ទៅមិន ធម្មតាឡើយ”។
លោក ហ៊ុន សែន បន្ថែមថា ទាហានកម្ពុជាមានសមត្ថភាពខ្ពស់ ដោយបានចញទៅដំណើរទៅក្រៅប្រទេស ដើម្បីបំពេញបេសកកម្ម មនុស្សធម៌ នៅប្រទេសធំៗមួយចំនួនដូចជា ស៊ូដង់ ឆាត អាហ្វ្រិចកណ្តាល និងលីបង់ ជាដើម។
សម្តេច បានបញ្ជាក់ទៀតថា ជាពិសេសនៅក្នុងប្រទេសទាំងនោះ មានមន្ទីរពេទ្យ ដែលមានក្រុមពេទ្យកម្ពុជាប្រចាំការ ដោយមានក្រុមគ្រូពេទ្យ ជំនាញៗ ដើម្បីព្យាបាលប្រជាពលរដ្ឋ មិនតែប៉ុណ្ណោះព្យាបាលជំងឺដល់មន្រ្តីទូត និងជនបរទេសនៅទីនោះផងដែរ ដោយសារតែប្រទេសទាំងនោះ ខ្វះខាតផ្នែកសេវាថែទាំសុខភាព៕
