ស្លាប់ ១១នាក់ របួសធ្ងន់ស្រាល៨០នាក់ ក្នុងaគ្រោះថ្នាក់ចរាចរណ៍ថ្ងៃទី១២មករា
សារព័ត៌មាន Cambodia News/
ភ្នំពេញ (១៣ មករា ២០១៦) ៖ មនុស្សចំនួន១១នាក់បានស្លាប់ ( ស្រី៥នាក់ ) របួសធ្ងន់ ២១នាក់ (ស្រី ១៦នាក់) របួសស្រាល ៥៩នាក់ ( ស្រី ៥៣នាក់ ) និងមិនពាក់មួកពេលគ្រោះថ្នាក់មាន ១៥នាក់ ( យប់៧នាក់) ក្នុងគ្រោះថ្នាក់ចរាចរណ៍ថ្ងៃទី១២ ខែមករា ឆ្នាំ២០១៦នេះ នៅទូទាំងប្រទេសចំនួន ១០លើក។ នេះបើយោងតាមនាយកដ្ឋាន នគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាន នគរបាលជាតិ។
តាមនាយកដ្ឋាន នគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាន នគរបាលជាតិ បានឲ្យដឹងថាក្នុងគ្រោះថ្នាក់ចរាចរណ៍ទាំង ១០លើកនេះ បានបង្កឲ្យខូចខាតយានយន្តសរុប ១៨គ្រឿង ក្នុងនោះមានម៉ូតូចំនួន ១០គ្រឿង រថយន្តធុនតូច ៤គ្រឿង រថយន្តធុនធំ ១គ្រឿង និងយានផ្សេងៗ ៣គ្រឿង ។
មូលហេតុដែលបណ្តាលឲ្យមានគ្រោះថ្នាក់រួមមាន ៖ ល្មើសល្បឿន ៤លើក ស្រវឹង ១លើក ប្រជែងគ្រោះថ្នាក់ ៣លើក និងមិនប្រកាន់ស្តាំ ១លើកផងដែល ដោយឡែកយានល្មើសសរុបទូទាំងប្រទេសមាន ៩១៦១គ្រឿង បានធ្វើការអប់រំមាន៤៣២០គ្រឿង និងពិន័យសរុប ៤៨៤១គ្រឿង និង ពុំមានឃាត់យានទុក៕
