បើគ្មានថ្ងៃ៧មករា កម្ពុជាក៏គ្មានសុខសន្តិភាព និងការអភិវឌ្ឍនោះដែរ
សារព័ត៌មាន Cambodia News/
ភ្នំពេញ (០៣ មករា ២០១៨) ៖ តំណាងអង្គភាពចំណុះបញ្ជាការដ្ឋានវិស្វកម្មអគ្គបញ្ជាការ នៃកងយោធពលខេមរភូមិន្ទបានប្តេជ្ញាចិត្តខ្ពស់ និងប្រើអស់មធ្យោបាយសរុប ក្នុងការសម្រេចភារកិច្ចទៅតាមបទបញ្ជា និងសូមគាំទ្រជានិច្ចថ្ងៃ៧មករា ដែលកម្ពុជាផ្តល់មកនូវសុខសន្តិភាព ស្ថិរភាពនយោបាយ និងមានការអភិវឌ្ឍឥតឈប់ឈរ។
ឯកឧត្តម ឧត្តមសេនីយ៍ត្រីទុំ ប៊ុណ្ណា ស្នងការរងស្នងការដ្ឋានបច្ចេកទេស បញ្ជាការដ្ឋានវិស្វកម្ម អគ្គបញ្ជាការ នៃកងយោធពលខេមរភូមិន្ទ និងជាមេបញ្ជាការកងឯកភាពវត្ថុរារាំងលេខ៧២ បានថ្លែងប្រាប់ដល់អ្នកសារព័ត៌មាននាព្រឹកថ្ងៃទី២ មករា ថា ប្រទេសជាតិមានការរីកចម្រើន ប្រទេសជាតិមានការអភិវឌ្ឍន៍ មានស្ថិរភាព និងសុខសន្តិភាពល្អ គឺអាស្រ័យទៅលើកងកំលាំងទ័ព។
ឧត្តមសេនីយ៍ត្រីរូបនេះ បានបន្តថា ដោយមានការស្វែងយល់ប្រកបដោយគតិបណ្ឌិត និងការឈ្លៀសវៃបំផុត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី កម្ពុជាមានការអភិវឌ្ឍឥតឈប់ឈរ ជាពិសេសសម្តេច បានជម្រុញលើកទឹកចិត្តដល់កងកំលាំង ក្នុងដំណើរការអភិវឌ្ឍន៍ខ្លួនឲ្យបានសមស្របតាមស្ថានការណ៍បច្ចុប្បន្ន ធ្វើយ៉ាងណាឲ្យកងទ័ពរបស់យើងក្លាយជាទ័ពគំរូប្រកបដោយយុទ្ធសាស្ត្រ នៃការវិវត្តន៍ទៅមុខប្រកបដោយភាពជោគជ័យ៕
