ស៊ុន ឌីម៉ា ចង់បានស្នេហ៍ស្មោះ
សារព័ត៌មាន Cambodia News/
ភ្នំពេញ (០៤ កញ្ញា ២០១៤) ៖ ក្រោយពីបរាជ័យនឹងរឿង ស្នេហាមិនទាន់ជាសះស្បើយពីរបួសស្នាមនៅឡើយកញ្ញា ស៊ុន ឌីម៉ា នៅពេលនេះ បានប្រាប់ថា នាងបានបើកទ្វារបេះដូង សម្រាប់បុរសស្មោះស្នេហ៍ជាថ្មីម្តងទៀតហើយ តែមិនទាន់ដឹងថា តើបុរសរូបណាមានវាសនាយកបេះដូង តារាស្រីរូបនេះមកថ្នាក់ថ្នមបានទេ ព្រោះនាងក៏ត្រៀមនឹងចេញទៅសម្តែងនៅ ប្រទេសអូស្ត្រាលីផងដែរ។
ស៊ុន ឌីម៉ា បានត្រៀមខ្លួន ទទួលយកស្នេហា បន្ទាប់ពីចំណងស្នេហ៍ទីមួយរបស់នាងត្រូវពុកផុយ ក្រោមអំណាចក្តីប្រចណ្ឌ រហូតមិនអាចរើសយកបំណែកបែកបាក់មកផ្សារភ្ជាប់គ្នាវិញបាន ប៉ុន្តែអ្វីដែលជាព័ត៌មានគួរឱ្យចាប់អារម្មណ៍នោះ មិនដឹងថា គូស្នេហ៍ទីពីររបស់តារារូបនេះជាអ្នកក្នុង ឬក្រៅស្រុកនោះទេ ពីព្រោះថ្មីៗនេះ កញ្ញាក៏កំពុងត្រៀមខ្លួនចេញទៅសម្តែងនៅប្រទេសអូស្រ្តាលី មានរយៈ ពេលមួយខែ តាមរយៈសមាគមវត្តខ្មែរមែលប៊ន ដែលនឹងត្រូវចេញដំណើរនៅក្នុងពេលខាងមុខនេះហើយ។
ការចេញទៅសម្តែងនៅប្រទេសអូស្រ្តាលីលើកនេះ នាងមានមានជំនឿចិត្តថា នឹងមានបងប្អូនខ្មែររស់នៅទីនោះចូលរួមគាំទ្រច្រើន ដែលអាចជួយឱ្យការស្តែងរបស់នាងទទួលបានជោគជ័យ ដោយឡែកជុំវិញរឿងស្នេហាវិញនោះ កញ្ញាក៏បានបញ្ជាក់ដែរថា ចំពោះគូស្នេហ៍ថ្មី ដែលនាងកំពុងបើកទ្វារបេះដូងទទួលយកនៅពេលនេះ គឺនាងមិនប្រកាន់អ្នកក្នុង ឬក្រៅស្រុក ទេ ៕
