បាតុកម្មប្រឆាំងច្បាប់រៀបអាពាហ៍ពិពាហ៍មនុស្សភេទដូចគ្នានៅបារាំង
ប៉ូលិសនៅប្រទេសបារាំងនិយាយថា មានបាតុករប្រឆាំងច្បាប់រៀបអាពាហ៍ពិពាហ៍មនុស្សភេទដូចគ្នា ចំនួន១សែន៥ម៉ឺននាក់ ចូលរួមក្នុងបាតុកម្មនៅទីក្រុងប៉ារីស ដែលជាការប្រមូលផ្តុំគ្នាធ្វើបាតុកម្មដ៏ធំបំផុត តាំងពីប្រទេសបារាំង ទទួលស្គាល់ច្បាប់រៀបអាពាហ៍ពិពាហ៍មនុស្សភេទដូចគ្នាមកនោះ។
ប្រធានាធិបតី បារាំង លោក Francois Hollande បានចុះហត្ថលេខាលើការផ្លាស់ប្តូរច្បាប់កាលពីមួយសប្តាហ៍មុន ប៉ុន្តែការចុះហត្ថលេខានោះ មិនបានបញ្ឈប់ការបន្តធ្វើយុទ្ធនាការប្រឆាំងនឹងច្បាប់ថ្មីនោះទេ។
កាល ពីថ្ងៃអង្គារកន្លងទៅ ប្រវត្តិវិទូអភិរក្សនិយមជ្រុលមួយរូបបានធ្វើអត្តឃាតនៅឯមហាវិហារ Notre Dame ។ការប្រឆាំងនឹងអាពាហ៍ពិពាហ៍មនុស្សភេទដូចគ្នានេះគឺជាបុព្វហេតុ មួយនៃការធ្វើអត្តឃាតនេះ។
បាតុករមកពីគ្រប់ទិសទីក្នុង ប្រទេសបារាំង បានទៅជួបជុំគ្នានៅទីប្រជុំជនទីក្រុងប៉ារីស ដោយរួមមានទាំងលោកស្រី Marine Le Pen អ្នកដឹកនាំគណបក្សជាតិបារាំងដែលជាក្រុមអភិរក្សនិយមផងដែរ៕ (Radio Australia)