រដ្ឋមន្ដ្រីក្រសួងព័ត៌មាន ៖ អ្នកសារព័ត៌មានមួយចំនួន ទទួលរងការប្រើអំពើហិង្សា
សារព័ត៌មាន Cambodia News/
ភ្នំពេញ (០២ ឧសភាព ២០១៤) ៖ ថ្លែងក្នុងទិវាសេរីភាពសារព័ត៌មានពិភពលោក ថ្ងៃទី០៣ ឧសភា ដែលរៀបចំឡើងដោយសមាគមអ្នកសារព័ត៌មានឯករាជ្យកម្ពុជា កាលពីរសៀលថ្ងៃទី ០១ ខែឧសភា នៅក្រុងតាខ្មៅ ខេត្តកណ្ដាល លោកខៀវ កាញារីទ្ធ រដ្ឋមន្ដ្រីក្រសួងព័ត៌មាន បានទទួលស្គាល់ថា ក្នុងរយៈពេលចុងក្រោយនេះ មានអំពើហិង្សាខ្លះៗ បានកើតទៅលើអ្នក សារព័ត៌មាន។
លោកខៀវ កាញារីទ្ធ បន្តថា អំពើហិង្សានេះ កើតឡើងដោយសារ និន្នាការនយោបាយ ដែលនេះជាប្រការមួយគួរឲ្យសោកស្ដាយ ប៉ុន្តែយើងឃើញថា ក៏មានអំពើហិង្សាខ្លះៗ 
បាន កើតទៅលើអ្នក សារព័ត៌មានយើង ដោយសារនិន្នាការនយោបាយ ដែលនេះជាប្រការមួយគួរឲ្យសោក ស្ដាយ ដូច្នេះយើងសំណូមពរធ្វើយ៉ាងណា បញ្ចៀសឲ្យបាននូវការប្រព្រឹត្តអំពើហិង្សាទៅលើអ្នកសារ ព័ត៌មាននេះ។
គួរកត់សម្គាល់ ថា ក្នុងរយៈពេលចុងក្រោយនេះ អ្នកសារព័ត៌មាន បានទទួលរងការប្រើ អំពើហិង្សាមួយចំនួន នៅពេល ដែលពួកគេ បានចុះទៅយកព័ត៌មាន ឬថតរូប នៅកន្លែងមានបាតុកម្ម តវ៉ា ឬការជួបជុំណាមួយ៕
-
