ក្រសួងអប់រំ សម្រេចពន្យារពេលប្រឡងជ្រើសរើសគ្រូ
សារព័ត៌មាន Cambodia News/
ភ្នំពេញ (២៣ កញ្ញា ២០១៦) ៖ នៅក្នុងលិខិតចុះហត្ថលេខាដោយរដ្ឋមន្ត្រីក្រសួង អប់រំ យុវជន និង កីឡា នាថ្ងៃទី ២២ កញ្ញា ឆ្នាំ ២០១៦ ក្រសួងអប់រំ បានសម្រេចពន្យារពេលប្រឡងជ្រើសរើសគ្រូបង្រៀនកម្រិតមូលដ្ឋាន សម្រាប់បង្រៀននៅតាមអនុវិទ្យាល័យនានា។
សម័យប្រឡងជ្រើសរើសគ្រូបង្រៀនកម្រិតមូលដ្ឋាន សម្រាប់បង្រៀននៅតាមអនុវិទ្យាល័យ នេះ នឹងត្រូវពន្យារពេលចាប់ពីថ្ងៃទី ២៨ តុលា រហូតដល់ថ្ងៃ ០៤ វិច្ឆិកា។ សម័យប្រឡងពិតប្រាកដគឺ ត្រូវរៀបចំធ្វើនៅថ្ងៃ ០៤ វិច្ឆិកា ឆ្នាំ ២០១៦ តែម្ដង។
ចំពោះកាលបរិច្ឆេទឈប់ទទួលពាក្យវិញ ក៏ត្រូវពន្យារពីថ្ងៃ ២៦ កញ្ញា ទៅដល់ថ្ងៃទី ០៤ តុលា ផងដែរ៕
