តាចាស់ម្នាក់ចាប់រំលោភក្មេងស្រី 6ឆ្នាំតាំងពីក្នុងបន្ទប់ទឹក រហូតដល់លើគ្រែ
សារព័ត៌មាន Cambodia News/
សៀមរាប (២៩ ធ្នូ ២០១៦) ៖ នគរបាលស្រុកជីក្រែង កាលពីថ្ងៃទី២៧ ខែធ្នូ បានចាប់ឃាត់ខ្លួនតាចាស់ម្នាក់ នៅឃុំខ្វាវ ស្រុកជីក្រែង បន្ទាប់ពីមានពាក្យបណ្ដឹងរបស់ឪពុកម្តាយក្មេងស្រីដែលបានចោទថា តាចាស់ម្នាក់នេះបានចាប់រំលោភកូនស្រីរបស់គាត់ ខណៈនាងនៅផ្ទះម្នាក់ឯង ។
បើតាមម្តាយក្មេងស្រីបានរៀបរាប់ប្រាប់នគរបាលមូលដ្ឋានថា កាលពីថ្ងៃទី២៤ ខែធ្នូ រូបគាត់និងក្រុមគ្រួសារបានចេញពីផ្ទះទៅច្រូតស្រូវបាត់លុះត្រឡប់មកផ្ទះវិញត្រូវបានក្មេងៗប្រាប់ថា គេឃើញតាចាស់នេះចាប់ឱបកូនស្រីគាត់នៅក្នុងបន្ទប់ទឹក និងនៅលើគ្រែក្នុងផ្ទះរបស់ខ្លួន ក៏បានទៅប្តឹងនគរបាលស្រុកឲ្យឃាត់ខ្លួនតាចាស់តែម្តងនេះ ។
ប្រភពពីនគរបាលស្រុកជីក្រែងឱ្យដឹងថា បន្ទាប់ពីបានទទួលពាក្យបណ្តឹងរបស់ម្តាយក្មេងស្រីរួចមក កម្លាំងសមត្ថកិច្ចបានចុះស្រាវជ្រាវរហូតឈានដល់ឃាត់ខ្លួនជនជាប់ចោទយកមកធ្វើការសាកសួរនៅអធិការដ្ឋាននគរបាលស្រុក ដើម្បីរៀបចំសំណុំរឿងបញ្ជូនបន្តទៅការិយាល័យជំនាញនៃស្នងការដ្ឋានខេត្ត ចាត់ការតាមនីតិវិធី ៕
