អ្នកវិទ្យាសាស្រ្តអូស្រ្តាលីសិក្សាអំពីវិធីការពារខ្លួនរបស់ត្រីប្រែពណ៌នៅក្នុងសមុទ្ទ
ការស្រាវជ្រាវថ្មីមួយបានរកឃើញ ថា ត្រីមួយប្រភេទ អាចធ្វើការបម្លែងរូបរាងរបស់វាបាន ដែលរឹតតែជួយសង្គ្រោះអាយុជីវិតពីការប្រមាញ់ជាអាហារដោយសត្វដទៃ។
ក្រុម អ្នកស្រាវជ្រាវនៅសកលវិទ្យាល័យ James Cook នៅក្នុងរដ្ឋ Queebsland បានរកឃើញថាពពួកត្រីប្រែពណ៌មានរូបសណ្ឋាណស្រដៀងត្រីកំភ្លាញ ត្រីក្រាញ់ឬត្រីកន្ធរ នៅក្នុងសមុទ្រ (damsel fish) អាចបម្លែងឲ្យឃើញដូចមានភ្នែកនៅត្រង់ម្ដុំក្បែរកន្ទុយរបស់វា នៅពេលពួកវាជួបនឹងការគំរាមកំហែងណាមួយ ប៉ុន្តែវាអាចបង្រួមទំហំភ្នែកសិប្បនិមិត្តឲ្យតូចប៉ុនភ្នែកពិត ប្រាកដរបស់វាបានផងដែរ។
លោកសាស្រ្តាចារ្យ Mark McCormick មានប្រសាសន៍ថា ត្រីប្រភេទនេះអាចបំភាន់ភ្នែករបស់សត្រូវឲ្យមើលឃើញថាវាកំពុងតែ ហែលទៅក្រោយវិញ។ លោកថាកត្តាធម្មជាតិនេះអាចជួយកាត់បន្ថយភាពងាយរងគ្រោះរបស់ត្រី ប្រភេទនេះពីសំណាក់សត្រូវរបស់វា៕ (Radio Australia)
