ប្រច័ណ្ឌវាយប្រពន្ធរួចដុតផ្ទះឆេះម៉ដ្ឋ
សារព័ត៌មាន Cambodia News/
កំពត(១០ កុម្ភៈ ២០១៤) ៖ កាលពីវេលាម៉ោង ១៨និង៣០នាទីយប់ ថ្ងៃ ទី០៨ ខែកុម្ភៈ ឆ្នាំ២០១៤ ស្ថិតក្នុងភូមិតាឣង្គ សង្កាត់ ត្រើយកោះ ក្រុង ខេត្តកំពត បុរសម្នាក់ ស្រវឹងទឹកត្នោតជូរ ប្រើហិង្សាក្នុងគ្រួសារ ឈានទៅដុតផ្ទះខ្លួនឯងឆេះម៉ដ្ឋ។
នគរបាល មូលដ្ឋាន បានឲ្យដឹងថា ជនសង្ស័យ ដែលប្រព្រឹត្តដុតផ្ទះខ្លួនឯង នោះ មានឈ្មោះ កែវ រ័ត្ន ភេទប្រុស ឣាយុ ២៩ឆ្នាំ មុខរបរ ជាកម្មករទូកនេសាទ មានប្រពន្ធឈ្មោះ ណុប សុខរីណា ឣាយុ ២៥ឆ្នាំ មុខរបរ បម្រើភោជនីយដ្ឋាន មានកូន ២នាក់ បច្ចុប្បន្នរស់នៅភូមិ សង្កាត់កើតហេតុខាងលើ ។
- មន្ត្រីនគរបាលបានឱ្យដឹងថា ហេតុការណ៍ដុតបំផ្លាញផ្ទះខ្លួនឯងនេះ បានចាប់ផ្តើមកើតឡើង មូលហេតុដែលឈាន ទៅធ្វើការដុតបំផ្លាញផ្ទះខ្លួនឯង ខាងលើ គឺកើតចេញពីការមានជម្លោះ ពាក្យសំដី រវាងបុរសជាប្តី និងប្រពន្ធ ឣំពីរឿងប្រច័ណ្ទ ដោយ មុនពេលកើតហេតុ ប្តីរូបនេះបានទៅទិញទឹកត្នោតជូរ យកមកផឹកស្រវឹងនៅខាងក្រោមផ្ទះ ហើយ ប្រើសំដី ហាមប្រពន្ធ មិនឲ្យទៅធ្វើការជាស្រីបម្រើ ខារ៉ាឣូខេ ចាប់ពីពេលនេះទៅ ប៉ុន្តែ ត្រូវប្រពន្ធប្រកែក បន្ទាប់មកក៏កើតរឿងជម្លោះ ទាស់ទែងពាក្យ សំដីគ្នា ប្តីរូបនេះក៏ទាញយកបានកាំបិតដេញ កាប់ប្រពន្ធ ផ្ឣើលឣស់ឣ្នកដែលរស់នៅជិតខាង នោះ ប៉ុន្តែត្រូវបានឣ្នកជិតខាងជួយសម្រួល និងឣន្តរាគមន៍ ទាន់ពេល វេលាផងដែរ ។
ខណៈប្តីវិលចូលផ្ទះ វិញនោះ ប្រពន្ធមិនទាន់មកដល់ផ្ទះវិញទេ ដោយនៅខ្លាចប្តី នៅឡើយ គឺសម្ងំលាក់ខ្លួននៅ ផ្ទះឣ្នកជិតខាង ឆ្លៀតឱកាសពេលនោះ ជនសង្ស័យជាប្តី ក៏ទាញបានដប ប្រេងម៉ាស៊ូត យកទៅចាក់ ដុតផ្ទះ ឆេះក្លាយជាផេះ។
ក្រោយហេតុការណ៍ឆេះម៉ដ្ឋភ្លាម ជនសង្ស័យមិនបានចេញទៅណាឆ្ងាយទេ ហើយត្រូវប្រជាពលរដ្ឋរាយការណ៍ ទៅសមត្ថកិច្ចនគរបាល បន្ទាប់មកនគរបាល ក៏ចុះទៅដល់កន្លែង កើតហេតុ និងចាប់ខ្លួនជនសង្ស័យបានភ្លាមតែម្តង រួចក៏បញ្ជូននាំខ្លួនទៅឃុំ បណ្តោះ ឣាសន្ន នៅឯឣធិការដ្ឋាននគរបាលក្រុងកំពត ហើយបញ្ជូនបន្តទៅ ស្នង ការដ្ឋានខេត្ត ដើម្បីចាត់ការតាមនីតិវិធីច្បាប់ផងដែរ៕