ពេជ្រ អាវីហ្សា អះអាងថា មិនបានកែដើមទ្រូង
សារព័ត៌មាន Cambodia News /
ភ្នំពេញ(១៨ មករា ២០១៤)៖ ពេជ្រ អាវីហ្សា ដែលជាអ្នកចម្រៀង និងសម្តែងវ័យ២៣ឆ្នាំ ត្រូវបានទស្សនិកជនទទួលស្គាល់ថា នាងជាតារាសិចស៊ីមិនចាញ់តារាសិចស៊ីល្បីៗដូចជា ឆ័យ លីដាឡែន, កុល ដាវី, សាសា ឬ ញឹម ចាន់ថន ឡើយ ហើយនាងកំពុងត្រូវបានបណ្តាក្រុមហ៊ុនជាច្រើនហៅថតផ្សព្វផ្សាយ ពាណិជ្ជកម្មបន្ទាប់ពីឃើញរូបរាងដងខ្លួន និងដើមទ្រូងដ៏ស្រស់ស្អាត របស់នាង។
ជាមួយ គ្នានោះក៏មានមនុស្សមួយចំនួនមានការសង្ស័យថា ពេជ្រ អាវីហ្សា បានចូលហាងកែសម្ផស្សដើម្បីធ្វើឱ្យស្បែកស និងពង្រីកដើមទ្រូងឱ្យពើងណែន ប៉ុន្តែការសង្ស័យនេះ ត្រូវបាន អាវីហ្សា បានអះអាងថា មិនបានកែដើមទ្រូង នោះទេ។
ពេជ្រ អាវីហ្សា មិនធ្លាប់សម្តែងនៅក្នុងខ្សែ ភាពយន្តណាមួយទេ ប៉ុន្តែនាងបានចូលរួមថតខារ៉ាអូខេឱ្យផលិតកម្មរស្មីហង្សមាសតាមរយៈ បទចម្រៀងជាច្រើន ។ ក្រៅពីនេះនាងត្រូវម្ចាស់ ក្រុមហ៊ុនជាច្រើនពេញចិត្ត និងហៅថតផ្សព្វ ផ្សាយពាណិជ្ជកម្ម ដូចជាផលិតផលទឹកផ្លែឈើ ក្រុមហ៊ុនទូរស័ព្ទនិងផលិតផលឡេលាបស្បែក ជាដើម ។
ខណៈដែល កេរ្តិ៍ឈ្មោះ និងប្រជាប្រិយ ភាពកំពុងទទួលបានការគាំទ្រយ៉ាងច្រើនគួរសម នោះថ្មីៗនេះ ក៏មានប្រធានសមាគមខ្មែរនៅ ក្រៅប្រទេសបានទាក់ទងហៅនាងឱ្យចេញទៅ ច្រៀង និងសម្តែងផងដែរ ។ ប៉ុន្តែត្រូវបាន នាង បដិសេធមិនទទួលដោយសារត្រូវស្តាប់តាមបង្គាប់របស់ម្តាយនាង ដែលមិនចង់ឱ្យ នាងចេញទៅច្រៀង និងសម្តែងឃ្លាតឆ្ងាយពីខ្លួនគាត់នោះ។
ពេជ្រ អាវីហ្សា ត្រូវបានមហាជនគ្រប់មជ្ឈដ្ឋានកត់សម្គាល់ថា នាងជាតារាស្រីមួយដួង ដែលនិយមខាងសម្ញែងសម្ភារប្រើប្រាស់ដែលមានតម្លៃថ្លៃៗ និងម៉ាកល្បីៗ មិន ចាញ់តារាល្បីៗដទៃប៉ុន្មានឡើយ ។
ការរស់នៅ ដោយភាពហ៊ឺហាទាន់សម័យរបស់តារាចម្រៀង វ័យក្មេង ពេជ្រ អាវីហ្សា ក្នុងរយៈពេលនេះបាន ក្លាយទៅជារឿងមួយដែលធ្វើឱ្យមហាជនខ្លះ កើត ការសង្ស័យថា ភាពហ៊ឺហារបស់តារាចម្រៀងស្រី រូបនេះទំនងជាមានអ្នកចាំជួយទំនុកបម្រុងឧបត្ថម្ភ ដល់ការរស់នៅពីក្រោយខ្នង ប៉ុន្តែនាងអះអាងថា គ្មានអ្នកណាឧបត្ថម្ភនាងទេ៕
