គង់ ចាន់រដ្ឋា ប្រគល់បេះដូងអោយបុរសក្នុងស្រុក
សារព័ត៌មាន Cambodia News/
ភ្នំពេញ(១០ មករា ២០១៤) បន្ទាប់ពីរងនូវបរាជ័យស្នេហ៍ផ្ទួនៗជាមួយបុរសក្នុងស្រុកក៏ដូចជាក្រៅ ស្រុក ពេលនេះតារាចម្រៀងស្រីនាង គង់ ចាន់រដ្ឋា បានរកឃើញបុរសដែលគួរអោយនាងទុកចិត្តក្នុងការផ្ញើវាស នាសម្រាប់អនាគតរបស់ខ្លួនហើយ នោះគឺជាបុរសក្នុងស្រុកម្នាក់ ដែលប្រកបការងារនៅក្រុមហ៊ុនឯកជនមួយ ។
តាម ការអះអាងរបស់តារាចម្រៀងស្រីសំបុរស្រអែមស្រស់នាង គង់ ចាន់រដ្ឋា បានអោ យដឹងថា បុរសដែលនាងសម្រេចចិត្តប្រគល់បេះដូងអោយគ្រប់គ្រងនោះគឺមិនមែនជា អានិកជនរស់នៅក្រៅស្រុកនោះទេ គឺនៅក្នុងស្រុក ។ តារាវ័យ២៤ឆ្នាំរូបនេះលើកឡើងថា រវាងនាង និងបុរសម្នាក់នោះមានទំនាក់ទំនងស្នេហាជាមួយគ្នាអស់រយៈពេលជិតកន្លះឆ្នាំហើយ និង បាន ស្គាល់ចិត្តថ្លើមគ្នារួចហើយដែរ ។ នាងបញ្ជាក់ថា បើមិនមានបញ្ហាចោទនោះទេប្រហែលជាអាចសម្រេចរៀបការក្នុងពេលឆាប់ៗនេះ ។
តា រាចម្រៀងមានដើមកំណើតនៅខេត្តសៀមរាបនាង គង់ ចាន់រដ្ឋា ត្រូវបានគេដឹងថា កន្លងមកធ្លាប់ប្រឈមទៅនឹងស្នេហ៍មិនគាប់បំណងចំនួនពីរលើករូចមកហើយ ក្នុងនោះជាមួយកំលោះ សង្ហាតារាម៉ូឌែលលោក អេឡិច ហ្សូរ៉ា និងបុរសអានិកជនរស់នៅប្រទេសបារាំង ។ ហេតុផល ស្នេហ៍បែកបា ក់រវាងនាង គង់ ចាន់រដ្ឋា និងលោក អេឡិច ហ្សូរ៉ា មិនត្រូវបានលាតត្រដាងអោ យបានជាក់នោះទេ គ្រាន់តែមានពាក្យចចាមអារាមមួយចំនួនលើកឡើងថា ពួកគេបែកគ្នា ដោយសារតែនាង គង់ ចាន់រដ្ឋា មើលឃើញអ្នកមានទ្រព្យនៅក្រៅស្រុក ។
យ៉ាង ណាក៏ដោយតារាចម្រៀងស្រីវ័យ២៦ឆ្នាំរូបនេះបានច្រានចោលនូវពត៌មានមិន ពិតនេះ ហើយបានធ្វើការបញ្ជាក់ថា សម្ព័ន្ធភាពស្នេហារវាងនាង និងលោក អេឡិច ហ្សូរ៉ា ត្រូវបានកាត់ ផ្តាច់ក្រោមហេតុផលតែមួយគត់គឺការសម្រេចចិត្តដើរចេញដោយរៀងៗខ្លួ នតែប៉ុណ្ណោះ ។ ក្រោ យចែកផ្លូវជាមួយលោក អេឡិច ហ្សូរ៉ា នាង គង់ ចាន់រដ្ឋា បានជួបស្នេហ៍មិនសមប្រកបជាមួយ បុរសអានិកជនរស់នៅប្រទេសបារាំងជាលើកទីពីរ។
តា មរយៈនៃការឈឺចាប់និងរឿងរ៉ាវស្នេហាជាច្រើនលើកបានធ្វើអោយម ជ្ឈដ្ឋានជាច្រើនគិតថាតារាចម្រៀងនាង គង់ ចាន់រដ្ឋា ប្រហែលជារាងចាលលែងហ៊ានបើកបេះដូងទទួលបុរសណាធ្វើជាសង្សាទៀ តហើយ ។ តែផ្ទុយទៅវិញពេលនេះនាងបានទម្លាយអោយដឹងពីទំនាក់ទំនងស្នេហា ថ្មីជាមួយបុរសក្នុងស្រុកធ្វើព្រងើយ ថែមទាំងមានគម្រោងដឹកដៃគ្នាចូលរោងការក្នុងពេលឆាប់ៗនេះទៀតផង ៕
