នគរបាលកំពុងស្វែងរក ខេមរៈ សិរីមន្ត ដែលកំពុងលាក់ខ្លួន
Cambodia News និង ភ្នំពេញបច្ចុប្បន្ន
ខេត្តព្រះសីហនុ៖ ខណៈដែលអ្នកប្រើប្រាស់ Facebook កំពុងតែចែករំលែកព័ត៌មាន និងរូបភាពឲ្យគ្នាពីហេតុការណ៍គ្រោះថ្នាក់ចរាចរណ៍ដ៏រន្ធត់មួយដែល បានកើតមានចំពោះក្រុមសំដែងសិល្បៈរបស់លោកខេមរៈ សិរីមន្ត កាលពីយប់មិញ មន្រ្តីនគរបាលខេត្តព្រះសីហនុបាននិយាយថា នគរបាលកំពុងតែស្វែងរកលោក ខេមរៈ សិរីមន្ត ដើម្បីមកបំភ្លឺពីហេតុការណ៍នេះ។
លោក ខេមរៈ សិរីមន្ត ដែលសាធារណជនបានស្គាល់ថាជាតារាចម្រៀងវ័យក្មេងល្បីឈ្មោះមួយរូបបានដើរ ចេញពីមន្ទីរពេទ្យ ដោយមិនបានប្រាប់មន្រ្តីពេទ្យប្រចាំការ ព្រោះលោកទំនងជាខ្លាចមានអ្នកសារព័ត៌មានមក សាកសួរពីបញ្ហាដ៏រន្ធត់នេះ។
នគបាលរូបនោះបានបញ្ជាក់ថា ក្រុមមន្រ្តីជំនាញរបស់លោកបានមកមន្ទីរពេទ្យ ដើម្បីចង់សួរនាំខ្លះពី ខេមរៈ សិរីមន្ត ព្រោះនគរបាលបានដឹងថា ខេមរៈ សិរីមន្ត បានទទួលរងរបួសស្រាល ខណៈដែលសហការីរបស់ខ្លួនបានស្លាប់៤នាក់។
ទូរស័ព្ទរបស់លោក ខេមរៈ សិរីមន្ត ក៏មិនអាចទាក់ទងបាន។ អ្នកបាត់បង់ជីវិត
គួរបញ្ជាក់ដែរថា ក្រុមសំដែងរបស់លោក ខេមរៈ សិរីមន្ត បានរងគ្រោះថ្នាក់ចរាចរណ៍មួយនៅលើផ្លូវជាតិលេខ ៤ ឆ្ពោះទៅខេត្តព្រះសីហនុ កាលពីម៉ោង ប្រមាណជាង ៩ យប់ នាថ្ងៃទី៧ ខែមីនា ឆ្នាំ២០១៣ នេះ។ មន្រ្តីនគរបាលបានបញ្ជាក់ថា គ្រោះថ្នាក់ចរាចរណ៍នេះបានកើតមានដោយសារការបុកគ្នាវវាង រថយន្តម៉ាក Tundra របស់លោក ខេមរៈ សិរីមន្ត និងរថយន្តកុងតឺន័ររបស់ក្រុមហ៊ុនឯកជនមួយ។
គួរបញ្ជាក់ដែរថា កាលពីប៉ុន្មានឆ្នាំមុនតារាចម្រៀងស្រី សុខ ពិសី ក៏ធ្លាប់បានមជួបប្រទះគ្រោះថ្នាក់ចរាចរណ៍មួយដ៏រន្ធត់ដែរនៅលើកំណាត់ ផ្លូវជាតិលេខ៤ ដែលធ្វើឲ្យម្តាយ សុខ ពិសី បានស្លាប់ ហើយ សុខ ពិសី ខ្លួនឯងដែលជាអ្នកបើកបរក៏បានរងរបួសធ្ងន់៕
-
អ្នកបាត់បង់ជីវិត ម្នាក់ជាកូនលោកពូកុយ និងម្នាក់ជាកូនអ្នកស្រី ណយ សំណាង។