សង្គមស៊ីវិលជំរុញឲ្យរដ្ឋាភិបាលកម្ពុជា អនុវត្តច្បាប់ស្ដីពីការគ្រប់គ្រងអាស៊ីដ
ភ្នំពេញ៖ មជ្ឈមណ្ឌលសិទ្ធិមនុស្សកម្ពុជា និងអង្គការជួយសង្គ្រោះជងរងគ្រោះដោយសារទឹកអាស៊ីត បានចេញសេចក្តីប្រកាសព័ត៌មានចេញផ្សាយការពីថ្ងៃទី២៧ ខែតុលា រួមគ្នាជំរុញឲ្យរដ្ឋាភិបាលកម្ពុជា ធានាធ្វើយ៉ាងណាឲ្យមានការអនុវត្តអនុក្រឹត្យស្តីពីការគ្រប់គ្រង អាស៊ីត។
អង្គការនេះលើកឡើងថា មកទល់ពេលនេះមិនមានការចែងឲ្យច្បាស់លាស់ថា តើទីភ្នាក់ងារណាមួយរបស់រដ្ឋាភិបាលនឹងទទួលខុសត្រូវពិតប្រាកដ និងពេញទំហឹងក្នុងការអនុវត្តអនុក្រឹត្យដែលមានចែងក្នុងច្បាប់នៃ ការគ្រប់គ្រងអាស៊ីតខ្លាំង។
យោងតាមសេចក្តីប្រកាសព័ត៌មាន មជ្ឈមណ្ឌលសិទ្ធិមនុស្ស កម្ពុជា និងអង្គការជួយសង្គ្រោះជនរងគ្រោះដោយសារទឹកអាស៊ីត បានសម្តែងការព្រួយបារម្ភពីកង្វះកិច្ចខំប្រឹងប្រែងចំពោះការ អនុវត្តអនុក្រឹត្យស្តីពីបែបបទ និងលក្ខខណ្ឌនៃការគ្រប់គ្រង អាស៊ីតខ្លាំង។ សូមជម្រាបថា ច្បាប់គ្រប់គ្រងអាស៊ីតបានចូលជាធរមាននៅខែធ្នូ ឆ្នាំ២០១១ ហើយនៅថ្ងៃទី ៣១ ខែមករាឆ្នាំ ២០១៣កន្លងទៅនេះ រដ្ឋាភិបាលបានចេញអនុក្រឹត្យមួយថែមទៀត។
សេចក្តីប្រកាស ព័ត៌មានដដែលអោយដឹងទៀតថា ទោះបីជាមានអនុក្រឹត្យបានកំណត់ពីការលក់, ការដឹកជញ្ជូន និងការស្តុកទុកអាស៊ីតខ្លាំងយ៉ាងណាក្តី ក៏នៅមានភាពស្រពេចស្រពិលចំពោះអនុក្រឹត្យពាក់ព័ន្ធនឹងការអនុវត្ត នូវបញ្ញតិ្តទាំងនោះដែរ៕ នាង/Cambodia News
