លោក កឹម សុខា ច្រានចោល រឿង លោក សម រង្ស៊ី ទាមទារ តំណែប្រធានរដ្ឋសភា
ភ្នំពេញ៖ លោក កឹម សុខា អនុប្រធានគណបក្សសង្គ្រោះជាតិ បានច្រានចោលអ្វី ដែលបានលើក ឡើង ដោយខុទ្ទការល័យ របស់លោក ស ខេង ថា ជារឿងមិនពិត ហើយមានចេតនា បំបែកបំបាក់ ។ លោកថា ឆ្លងកាត់ជំនួបដើម្បីសម្របសម្រួលនយោបាយ ចំនួន២លើក រួចមកហើយ ជាមួយគណបក្សប្រជាជនកម្ពុជា លោក សម រង្ស៊ី មិនដែល បានប្រើប្រាសពាក្យទាំងអស់ នេះទេ ។
យ៉ាងណាក៏ដោយ លោក ស ខេង អ្នកដឹកនាំការសម្របសម្រួល របស់គបក្សប្រជាជនកម្ពុជា ជាមួយគណបក្សសង្គ្រោះជាតិ បាននិយាយថា លោក សម រង្ស៊ី ពិតជាបានទាក់ទងមកលោក ដូចអ្វីដែល មានលើក នៅក្នុងសេចក្ដីថ្លែងការណ៏ របស់ខុទ្ទការល័យ លោក នោះមែន …” នោះមិន មែនជាការបំបែក បំបាក់ទេ… ”។
គួរបញ្ជាក់ថា នៅក្នុងសេចក្ដីថ្លែងការណ៏មួយ កាលពីថ្ងៃទី១២ តុលា ដែលចុះហត្ថលេខា ដោយលោក ខៀវ សុភ័គ នាយខុទ្ធការល័យ របស់លោកស ខេង បានស្ដីបន្ទោសថា ការចរចាគ្នាមិនត្រូវ ដែលនាំទៅដល់ការជាប់គាំង រដ្ឋសភា និងរដ្ឋាភិបាល គឺបណ្ដាលមកពីមេដឹកនាំ គណបក្សប្រឆាំង ខ្វែងគំនិតគ្នា ។ ពោលគឺលោក សម រង្ស៊ី មិនទាមទារតំណែង ប្រធានរដ្ឋសភា ប៉ុន្តែលោក កឹម សុខ និងលោក យឹម សុវណ្ណ អ្នកនាំពាក្សគណបក្សសង្គ្រោះជាតិ នៅតែរក្សាជំហរ ទាមទារ តំណែងប្រធានរដ្ឋសភា ។
បើទោះជាដូច្នេះក្ដី រដ្ឋសភា នីតិកាលទី៥ និងរដ្ឋាភិបាលអាណត្តិទី៥ ត្រូវបានបង្កើត រួច ហើយ កាលពីអំឡុងខែកញ្ញា កន្លងទៅ ដែលស្ថាបនទាំងពីរ នេះ គ្រប់គ្រង ដោយគណបក្សប្រជាជនកម្ពុជា តែមួយ ៕ Cambodia News
