ជុំ រចនាពេជ្រធ្វើឲ្យឧកញ៉ាជាប់អន្ទាក់ស្នេហ៍
ភ្នំពេញ៖ តារាសម្តែងជើងថ្មីដែលពេលនេះកាន់តែកាក់កបនិងសិល្បៈព្រោះបានទទួលតំណែងថតរឿងបន្តពីមួយទៅមួយនាងជុំ រចនាពេជ្រហៅបេប៊ីដែលមានសម្រស់គួរឲ្យគយគន់សាច់សនៅវ័យក្មេងត្រូវគេទន្លាយព័ត៌មានថានាងមានឧកញ៉ាម្នាក់មានតួនាទីធំដុំក្នុងសង្គមតាមក្រវែស្អិតដូចតឹកកែព្រោះតែលង់សម្រស់របស់តារាក្មេងខ្ចីរូបនេះ។
នៅពេលសួរនាំរឿងនេះរចនាពេជ្រហាក់ស្រឡាំងកាំងហើយបានទទួលស្គាល់ព្រមទាំងសម្តែងក្តីតប់ប្រម៉ល់ដោយសារតែលោកឧកញ៉ានោះហាក់ចូលកាន់តែកៀកសួរនាំចាស់ទុំដោយមើលទៅទំនងស្រលាញ់នាងស្មោះ។
គ្រាន់តែប្រឡូកសិល្បៈមិនទាន់បានប៉ុន្មានផងនិងចេញមុខតាមកញ្ចក់ទូរទស្សន៍បានតែមួយប្រាវសោះស្រីស្រស់សម្រស់បានដែលជាញឹកញាប់ចេញមុខតាមរយៈតន្ត្រីក្នុងកម្មវិធី«ជុំរំតារា»នៅMYTVជុំ រចនាពេជ្រកំពុងតែត្រូវមជ្ឃដ្ឋានអ្នកសិល្បៈលើកឡើងថាមានទំនាក់ទំនងជាមួយអ្នកមានទ្រព្យស្តុកម្នាក់មានតួនាទីធំដុំក្នុងសង្គមតាមប្រម៉ាញ់បេះដូងយ៉ាងកៀកស្ទើរតែមិនឲ្យនាងដើរទៅណាបាន។
ប្រភពដដែលបានលើកឡើងថាបន្ទាប់ពីបុរសដែលគេស្គាល់ថាឧកញ៉ានោះជួបរចនាពេជ្រដោយចៃដន្យគឺបានដក់ចិត្តស្រលាញ់និងចាប់អារមម្មណ៍រហូតតាមស៊ើបសួរដល់ផ្ទះសម្បែងដោយហ៊ានផ្តល់សញ្ញាដល់ចាស់ទុំឪពុកម្តាយខាងស្រីពីរឿងបេះដូងនេះយ៉ាងស្រស់ឥតលាក់លៀមសោះឡើយរហូតបង្កឲ្យជុំ រចនាពេជ្រដែលនៅមានអារម្មណ៍ប្រឡូកសិល្បៈពិបាកសម្រេចចិត្តក្នុងជម្រើសខាងលើនេះណាស់។
តារាសម្តែងដែលពេលនេះកាន់តែមានពន្លឺក្នុងសិល្បៈព្រោះតែមានសំណាងបានសម្តែងកុនដល់ទៅពីរស្ថានីយ៍ក្នុងរឿង«ព្រហ្មលិខិត»នៅស៊ីធីអិននិងរឿង«ម៉ឺនុយធ្នាក់អន្ទាក់ស្នេហ៍»នៅTV5ទោះត្រឹមជាតួរងបានថ្លែងថានាងដូចជាមិនទាន់គិតពីរឿងស្នេហាអីទេដោយសារតែគិតថាយើងនៅក្មេងណាស់ណាមួយគំនិតក៍ខ្លីគិតមិនដិតដល់។
ម្ល៉ោះហើយបើគិតពីបញ្ហាស្នេហាដូចដែលមានគេលើកឡើងនោះនាងពិបាកសម្រេចណាស់ព្រោះមិនទាន់ហ៊ានទទួលឡើយទើបទុកឲ្យចាស់ទុំគាត់ដោះស្រាយគ្នាទៅ។អ្វីដែលសំខាន់នាងចង់ប្រឡូកការងារសម្តែងឲ្យបានល្អក៍ដូចជាចេញមុខច្រៀងតាមស្ថានីយ៍ពង្រីកកេរ្តី៍ឈ្មោះឲ្យខ្លាំងសិនដោយសារតែសិល្បៈនាងនៅខ្ចីនៅឡើយទេ។
ដោយឡែកអ្នកស្រីប៊ុណ្ណារីដែលជាម្តាយបង្កើតរបស់តារាមុខស្រស់នេះបានទទួលស្គាល់ថាកូនស្រីអ្នកស្រីពិតជាមានគេតាមស្អិតមែន។អ្នកស្រីគ្រាន់តែឮថាជាឧកញ៉ាហើយវ័យក៍ច្រើននិងជាអ្នកមានមុខមាត់អ្នកស្រីនិងកូនមានការភ័យព្រួយណាស់ខ្លាចមានបញ្ហាអីកើតឡើងព្រោះអ្នកស្រីដឹងច្បាស់ណាស់រឿងពាក់ព័ន្ឋស្នេហាបុរសមានទ្រព្យខ្លាចតែជួបរឿងមិនល្អ។
តែដឹងអីលោកឧកញ៉ានោះបន្ទាប់ពីជួបកូនខ្ញុំចៃដន្យគាត់បានមកសួរនាំក្នុងផ្លូវត្រឹមត្រូវហើយប្រាប់ថាគាត់នៅកំលោះនិងមាននិស្ស័យចំពោះកូនស្រីគាត់និងចង់បានមនុស្សស្រីណាចេះទុកដាក់ធ្វើជាភរិយា។លើសពីនោះដោយមិនទុកចិត្តថាគាត់កុហសនិងបោកប្រាក់លោកឧកញ៉ានោះថែមទាំងជូនក្រុមគ្រួសារនាងទៅភូមិគ្រឹះគាត់នៅម្តុំចំការមនយកឯកសារពាក់ព័ន្ឋមកបញ្ជាក់ឲ្យដឹងការពិតថាកំលោះមែនឬឧកញ៉ាមែនដើម្បីឲ្យបានច្បាស់ក្នុងន័យឲ្យអស់ចិត្តដូចគ្នា។
ទោះយ៉ាងណាលទ្ឋផលគឺបុរសដែលស្រលាញ់កូនស្រីគាត់នោះនៅកំលោះមែនហើយតាំងពីហ្នឹងមកគាត់ចេះតែមកបបួលក្រុមគ្រួសារចេញទៅហូបអីបែបជាគ្រួសារដោយមិនហ៊ានទៅណាអត់មានឪពុកម្តាយតាមកូនឡើយ។អ៊ីចឹងហើយទើបអ្នកស្រីមិនហ៊ានដាក់សម្ពាធលើកូនទេទុកឲ្យគ្នាសម្រេចចិត្តចុះព្រោះសម័យនេះមិនអាចបង្ខំក្មេងបានទេបើកូនថាគ្នានៅក្មេងហើយរៀនមិនទាន់ចប់និងស្រលាញ់សិល្បៈស្ទើរតែដកចិត្តមិនបាន។
ម្តាយរចនាពេជ្របានបញ្ជាក់ថាអ្នកស្រីបានត្រៀមចិត្តហើយបើមាននិស្ស័យគង់តែជួបបើអត់និស្ស័យក៍មិនដឹងធ្វើបែបណាឡើយជាធម្មតាឪពុកម្តាយចង់ឲ្យកូនចៅមានអនាគតល្អដែរតែបើកូនគេមិនពេញចិត្តយើងមិនអាចបង្ខំបានទេទាល់តែស្របទាំងអស់ឡគ្នាជារឿងត្រូវត្រូវជាងការស្តីបន្ទោសចាប់បង្ខំ។មហាជននិងរង់ចាំតាមដានថាតើទៅថ្ងៃក្រោយតារាស្រីរូបនេះនិងទន់ចិត្តចំពោះភាពស្មោះត្រង់ដែរឬទេហើយអ្នកដែលតាមស្រលាញ់នាងនិងមានរូបមន្តបែបណាផ្សេងទៀតដែលអាច់ឆក់យកបេះដូងដែកដែលកំពុងតែប្រកាន់ជំហររឹងមាំមិនហ៊ានទទួលស្នេហ៍នោះ៕ ស.រ/Cambodia News
