ពលរដ្ឋភ័យខ្លាចចំពោះការចល័តទ័ព និងសព្វាវុធ
ភ្នំពេញ៖ ប្រជាពលរដ្ឋរស់នៅតាមរាជធានីខេត្តមួយចំនួន មានការព្រួបារម្ភ និងមានចម្ងល់ចំពោះសកម្មភាពចល័តកងទ័ពតាមរថយន្តរបស់រាជរដ្ឋាភិបាលក្រោយការបោះឆ្នោតសភាអាណាត្តិទី៥ ថ្ងៃទី២៨ កក្កដា ប៉ុន្តែត្រូវបានបន្ត្រីជាន់ខ្ពស់រាជរដ្ឋាភិបាលឆ្លើយថា ពលរដ្ឋទាំងអស់មិនត្រូវព្រួបារម្ភនោះទេ ហើយសន្ថិសុខជាតិក៏មិនទាន់ធ្លាក់ដល់ត្រូវប្រើកម្លាំងទ័ពនោះដែរ។
ចំពោះព័ត៌មានទាក់ទងទៅនឹងសកម្មភាពចល័តទ័ព ឬសព្វាវុធ តាមរថយន្តរបស់រាជរដ្ឋាភិបាលនៅក្នុងពេលមានដំណឹងថា គណបក្សសង្គ្រោះជាតិមានគម្រោងធ្វើមហាបាតុកម្មតវ៉ាលទ្ធផលបោះឆ្នោត ដែលមានភាពមិនប្រក្រតី ដែលបញ្ហានេះបានធ្វើប្រជាពលរដ្ឋរស់នៅតាមរាជធានីភ្នំពេញ និងតាមបណ្តាលខេត្តមួយចំនួនមានការព្រួបារម្ភយ៉ាងខ្លាំង។
ប្រជាពលរដ្ឋរស់នៅស្រុកបារាយណ៍ ខេត្តកំពង់ធំ និងស្រុកជើងព្រៃ ខេត្តកំពង់ចាមបានឲ្យអ្នករាយការណ៍ព័ត៌មានដឹងថា នៅពេលជិតភ្លឺថ្ងៃទី៨ ខែសីហា ពូកគាត់ឃើញមានរថពាសដែក ឫអាស្គុត របស់កងទ័ពជាង ៥គ្រឿង បានបើកតាមផ្លូវជាតិលេខ៦ សំដៅមករាជធានីភ្នំពេញ។
ការចល័តកងទ័ពទាំងនោះធ្វើឲ្យប្រជាពលរដ្ឋមានចម្ងល់ ដោយមិនដឹងថា រាជរដ្ឋាភិបាលចល័តទ័ពក្នុងហេតុការណ៍អាអ្វីនោះទេ ព្រោះគ្មានប្រភពបង្ហើបឲ្យប្រជាពលរដ្ឋបានដឹងទេ ដូច្នេះ ហើយប្រជាពលរដ្ឋបានស្នើរដល់ថ្នាក់ដឹងនាំរាជរដ្ឋាភិបាល និងក្រសួងពាក់ព័ន្ធជួយបំភ្លឺករណីចល័តកងទ័ពនេះ៕ នាង/Cambodia News
