កុមារីកម្ពុជា ម្នាក់ទៀតហើយ ឆ្លងវីរុស ផ្ដាសាយបក្សី
កំពង់ធំ ៖ ករណីទី២១ នៃវីរុសផ្ដាសាយបក្សី (H5N1) បានឆ្លងទៅលើកុមារីម្នាក់ អាយុ៨ឆ្នាំ ដែលមានទីលំនៅក្នុងភូមិអូរាំង ឃុំពង្រ ស្រុកបារាយណ៍ ខេត្តកំពង់ធំ នេះបើតាមការបញ្ជាក់ របស់វិទ្យាស្ថានប៉ាស្ទ័រកម្ពុជា នៅថ្ងៃទី៨ ខែតុលា ឆ្នាំ២០១៣។
យោងតាម សេចក្ដីប្រកាសព័ត៌មានរួម រវាងក្រសួងសុខាភិបាល និងអង្គការសុខភាពពិភពលោក ចុះថ្ងៃទី២២ ខែតុលា ឆ្នាំ២០១៣ ឲ្យដឹងថា ករណីផ្ដាសាយបក្សី ចំនួនមួយករណីថ្មីទៀត កំពុងតែកើតមានលើកុមារី អាយុ៨ឆ្នាំ ដែលនេះជាករណីទី២១ ក្នុងឆ្នាំនេះ និងជាករណីទី៤២ ដែល ឆ្លងវីរុសផ្ដាសាយបក្សី។
សេចក្ដីប្រកាសព័ត៌មាន បានឲ្យដឹងទៀតថា ”កុមារីនេះចាប់ផ្ដើមឈឺ នៅថ្ងៃទី០៨ ខែតុលា ឆ្នាំ២០១៣ ដោយមានអាការ គ្រុនក្ដៅ និងកណ្ដាស ហើយនៅថ្ងៃទី៩ ខែតុលា ឪពុក ម្ដាយ (កុមារីឆ្លងវីរុសផ្ដា សាយបក្សី) បានស្វែងរកការព្យាបាល នៅគ្លីនិកឯកជនមួយ នៅខេត្តកំពង់ធំ ដោយ ស្ថានភាព សុខភាពរបស់នាងកាន់តែធ្ងន់ធ្ងរ កុមារីនេះត្រូវបានបញ្ជូន ទៅមន្ទីរពេទ្យជ័យវរ្ម័នទី៧ ខេត្តសៀមរាប នៅថ្ងៃទី១១ ខែតុលា ដោយមាន អាការ គ្រុនក្ដៅ ក្អក និងហត់ ហើយវត្ថុវិភាគ ត្រូវបានប្រមូលពីកុមារីរូបនេះ នៅថ្ងៃទី១៤ ខែតុលា និងទទួលការព្យាបាល ដោយឱសថ Tamiflu” ។ បច្ចុប្បន្ននេះ កុមារីឆ្លងវីរុសផ្ដាសាយបក្សី ស្ថិតក្នុងស្ថានភាពហ្នឹងន៕ Cambodia News