គ.ជ.ប. គ្រោងនឹងប្រកាសលទ្ធផលផ្លូវការនៅថ្ងៃទី១៤ខែសីហា
ភ្នំពេញ ៖ គណកម្មាធិការជាតិរៀបចំការបោះឆ្នោត(គ.ជ.ប.) បានឲ្យដឹងថា ប្រសិន បើមិនមានពាក្យបណ្តឹងដោយគណបក្សនានានៅក្នុងការបោះឆ្នោតទេនោះ ខ្លួននឹងប្រកាស លទ្ធផលនៅថ្ងៃទី១៤ ខែ សីហា ខាងមុខនេះ។
គ.ជ.ប. បានឲ្យដឹងថា ប្រសិនបើមានបណ្តឹង នោះលទ្ធផលនឹងត្រូវពន្យាការប្រកាសរហូត ដល់ថ្ងៃទី៨ ខែ កញ្ញា ខាងមុខនេះ ។
មកដល់ពេលនេះលទ្ធផលបោះឆ្នោតពីថ្ងៃទី២៨ ខែ កក្កដា ឆ្នាំ២០១៣ ដែលគេបានដឹង ក្រៅផ្លូវការគឺ គណបក្សប្រជាជនកម្ពុជាទទួលបានអសនៈចំនួន ៦៨ នៅក្នុងចំណោម អសនៈចំនួនសរុប ១២៣ នៅក្នុងសភា ។
ជុំវិញលទ្ធផលនេះ គណបក្សប្រឆាំងបានច្រានចោល ហើយកំពុងតែទាមទារឲ្យបង្កើត គណកម្មការឯករាជ្យមួយដើម្បីសើបអង្កេតភាពមិនប្រក្រតីនៅក្នុងការបោះ ឆ្នោត ។
ជុំវិញការទាមទារនេះ គណបក្សប្រជាជនកម្ពុជាបានសំរបសំរួលជាមួយដោយយល់ព្រម ឲ្យមានគណកម្មការមួយដែលមានការចូលរួមពី គ.ជ.ប. ពីគណបក្សប្រជាជនកម្ពុជា និងពី គណបក្សប្រឆាំងចូលរួមពិភាក្សា ហើយសង្គមស៊ីវិលជាតិ និង អន្តរជាតិអាចចូលរួមជា អ្នកសង្កេតការណ៍បាន ប៉ុន្តែទោះបីជាយ៉ាងណាគណបក្សប្រឆាំងនៅតែទាមទារឲ្យមាន ការ ចួលរួមពីអន្តរជាតិថែមទៀត៕ Cambodia News
