បុរសអូស្ត្រាលីម្នាក់ស្លាប់និង៣នាក់ទៀតចូលមន្ទីរពេទ្យ បន្ទាប់ពីទទួលទានស្រាផលិតនៅផ្ទះ
ក្នុងរដ្ឋ Queensland ប្រទេសអូស្ត្រាលី បុរសម្នាក់អាយុ ២១ឆ្នាំបានបាត់បង់ជីវិត និងបុរស៣នាក់ទៀតកំពុងទទួលការព្យាបាលនៅមន្ទីរពេទ្យ បន្ទាប់ពីពួកគេទទួលទានស្រាផលិតនៅផ្ទះដែលគេហៅថា ‘grappa’ ។
មាន ការសន្និដ្ឋានថា បុរសទាំងនោះពុលថ្នាំជាតិមេតាណុល ដែលមាននៅក្នុងគ្រឿងស្រវឹងបែបអ៊ីតាលី ផ្សំឡើងដោយផ្លែទំពាំងបាយជូ។
រដ្ឋមន្រ្តីទទួលបន្ទុក ផ្នែកសុខាភិបាលរបស់រដ្ឋ Queensland លោក Lawrence Springborg មានប្រសាសន៍ថា នេះជាហេតុការណ៍គួរឲ្យសោកស្តាយ និងប្លែកខុសពីធម្មតា។
លោកមានប្រសាសន៍ថា ប៉ូលិស និង ក្រសួងសុខាភិបាលរដ្ឋ Queensland នឹងធ្វើការស៊ើបអង្កេតលើករណីនេះ៕ (Radio Australia)