អង្គការសហប្រជាជាតិស្នើឲ្យកូរ៉េខាងជើងកុំបាញ់មីស្ស៊ីលថែមទៀត
អង្គការសហប្រជាជាតិកំពុងតែទទូច ឲ្យ ប្រទេសកូរ៉េខាងជើងកុំបាញ់ បង្ហោះគ្រាប់មីស្ស៊ីលថែមទៀត ក្រោយពីប្រទេសនេះបានបាញ់បង្ហោះគ្រាប់មីស្ស៊ីលសម្រាប់ចម្ងាយជិត អស់ចំនួន៤គ្រាប់កាលពីពេល២ថ្ងៃមុននេះ។
លោក បាន គីមូន អគ្គលេខាធិការអង្គការសហប្រជាជាតិបានអំពាវនាវឲ្យកូរ៉េខាងជើង បញ្ឈប់ការបាញ់បង្ហោះគ្រាប់មីស្ស៊ីលថែមទៀត ហើយវិលទៅរកតុចរចា៦ភាគីឡើងវិញ។ កាលពីចុងសប្ដាហ៍នេះកូរ៉េខាងជើងបានបាញ់មីស្ស៊ីល៤គ្រាប់ ដោយធ្វើឲ្យតំបន់ទាំងមូលកំពុងមានភាពតានតឹង។
លោក បាន គីមូន បានពិពណ៌នាសកម្មភាពរបស់កូរ៉េខាងជើងថា ជាសកម្មភាពអុចអាលបង្ករឿង ហើយបានសំណូមពរឲ្យប្រទេសរុស្ស៊ីព្យាយាមជួយនិយាយជាមួយកូរ៉េខាង ជើងថា សកម្មភាពរបស់កូរ៉េខាងជើងបែបនេះ គឺកាន់តែធ្វើឲ្យប្រទេសខ្លួនឯកោកាន់តែខ្លាំងប៉ុណ្ណោះ។
មីស្ស៊ីល ទាំង៤គ្រាប់នោះអាចបាញ់ចម្ងាយបាន១៦០គីឡូម៉ែត្រ ហើយបានធ្លាក់ទៅក្នុងសមុទ្ទនៅក្បែរប្រទេសកូរ៉េខាងជើង៕ (Radio Australia)