ក្រោយចូលឆ្នាំ ពលករចំណាកស្រុក សម្រុកទៅធ្វើការ នៅប្រទេសថៃយ៉ាងគគ្រឹកគគ្រេង
Cambodia News
បន្ទាយមានជ័យ ៖ ក្រោយពីបុណ្យចូលឆ្នាំប្រពៃណីខ្មែរចប់ ពលរដ្ឋខ្មែរដែលមានការងារធ្វើនៅថៃដែលបានមកសម្រាកចូលឆ្នាំ កំពុងតែសម្រុកត្រឡប់ ចូលទៅប្រទេសថៃ ដើម្បីធ្វើការងារបន្តតែការសម្រុកយ៉ាងគគ្រឹកគគ្រេងទៅធ្វើការនៅ ប្រទេសថៃ តាមរយៈមេខ្យល់ តាម ច្រករបៀងខុសច្បាប់។
មន្ត្រីស្នងការទទួលបន្ទុកការងារព្រំដែន នៃនគរបាលខេត្តបន្ទាយមានជ័យ បានឲ្យដឹងថា ក្នុងការទប់ស្កាត់ពលករចំណាកស្រុកទៅប្រទេសថៃដោយ ខុសច្បាប់ក្រោយចូលឆ្នាំថ្មីនោះ សមត្ថកិច្ចបានឃាត់ខ្លួនពលករខ្មែរប្រុងឆ្លងដែនខុសច្បាប់ ចំនួនសរុប១៣៧នាក់ គិតចាប់ពីថ្ងៃទី១៨-១៩ មេសា ក្នុងនោះនគរបាលព្រំដែនចំបក់បានឃាត់ពលរដ្ឋ ចំនួន៤៩នាក់នៅម៉ោង៣ទៀបភ្លឺថ្ងៃទី១៩ មេសា។
មន្ត្រីដដែលបន្តថា ពលករចំណាកស្រុកទាំងនោះ ភាគច្រើនមានស្រុកកំណើត នៅខេត្តកំពង់ធំ ខេត្តសៀម រាប បានចូលមកទឹកដី ក្រុង ប៉ោយប៉ែត ខេត្ត បន្ទាយមានជ័យ កាលពីល្ងាចថ្ងៃទី១៩ ខែមេសា ត្រូវកម្លាំងនគរបាល ឃាត់ យកមកសួរនាំ និងអប់រំ ពីផលប៉ះពាល់ ឲ្យពួកគាត់ងាកទៅរក ការឆ្លងដែនស្របច្បាប់វិញ ទើបមានសុវត្ថិភាព រួចបញ្ជូនពួកគាត់ ទៅស្រុក កំណើតវិញ ។
នៅចំពោះមុខ សមត្ថកិច្ចសួរនាំ ពលករទាំងនោះបានឆ្លើយថា ពួកគាត់ឆ្លងដែននេះ ក្នុងម្នាក់ត្រូវបង់ប្រាក់ ឲ្យគេមុន ទៅមេខ្យល់ ៣.០០០បាត ហើយឆ្លងដែន តាមច្រករបៀងមួយកន្លែង ខាងលិចកាស៊ីណូ ហ្គោលឌិន៕
