កិច្ចប្រជុំស្តីពីបញ្ហាការជួញដូរមនុស្សនៅកោះបាលី
ទន្ទឹមពេល នឹងជំនួបប្រជុំថ្នាក់ទេសរដ្ឋមន្ត្រីនៅកោះបាលី ស្តីពីបញ្ហាការជួញដូរមនុស្ស តួលេខនៃអង្គការសហប្រជាជាតិ បង្ហាញថា មានមនុស្សយ៉ាងតិចណាស់ចំនួនប្រាំពីរពាន់នាក់បានចុះបញ្ជីជាមួយ នឹងការិយាល័យអង្គការសហ ប្រជាជាតិនៅក្នុងប្រទេសឥណ្ឌូណេស៊ីថាជា ជនភៀសខ្លួន។
ទីភ្នាក់ងារជនភៀសខ្លួនរបស់ អង្គការសហប្រជាជាតិបានឲ្យដឹងថា មនុស្សកាន់តែច្រើនបានមកដល់ប្រទេសឥណ្ឌូណេស៊ី ដោយធ្វើឲ្យតួលេខមានការកើនឡើងជិត ៨០%បើប្រៀបធៀបនឹងតួលេខឆ្នាំមុន ដែលជាកំណើនធ្វើឲ្យមានការព្រួយបារម្ភ។ ជិតពាក់កណ្ដាលនៃជនភៀសខ្លួនដែលមកដល់ឥណ្ឌូណេស៊ីគឺមកពីប្រទេស អាហ្វហ្គានីស្ថាន។
ទីភ្នាក់ងារ ជនភៀសខ្លួនរបស់អង្គការសហប្រជាជាតិមានតួនាទីចុះបញ្ជីជន ភៀសខ្លួន និងជនស្វែងសុំសិទ្ធិជ្រកកោន ហើយបន្ទាប់មកធ្វើការវាយតម្លៃស្ថានភាពពួកគេ។ នៅចុងខែមករា ការិយាល័យនេះបានរាយការណ៍មកថា មានមនុស្សជាង ៤ពាន់នាក់កំពុងរង់ចាំការសម្ភាសន៍ជាលើកដំបូងរបស់ពួកគេ ដោយការិយាល័យរបស់អង្គការសហប្រជាជាតិមិនអាចធ្វើការងារទាន់។
តួលេខ ស្ដិតិអង្គការសហប្រជាជាតិមួយបង្ហាញឲ្យដឹងថា អង្គការសហប្រជា ជាតិរំពឹងថា និន្នាការនៃការធ្វើដំណើរទៅដល់នៃជនភៀសខ្លួននឹងកើតមានឡើង ជាបន្តទៀត ហើយរយៈពេលយូរនៃការរង់ចាំសម្រាប់ការសម្ភាសន៍ និងការទៅតាំងទីលំនៅថ្មីនោះ អាចធ្វើឲ្យមនុស្សកាន់តែច្រើនធ្វើការប្រថុយគ្រោះថ្នាក់ដោយ ធ្វើដំណើរតាមទូកថែមទៀតមកកាន់ប្រទេសអូស្ត្រាលី៕ (Radio Australia)