អាជ្ញាធរថៃ ៖ អ្នកលក់ម៉ាស់ឡើងថ្លៃប្រយ័ត្នជាប់គុក៧ឆ្នាំ និងផាកពិន័យ១លាន៤សែនបាត
សារព័ត៌មាន Cambodia News/
ឆ្នាំកាលពីថ្ងៃទី២៧ ខែមករា ឆ្នាំ២០២០ ក្រសួងពាណិជ្ជកម្ម នៃប្រទេសថៃ បានបញ្ជាឲ្យក្រុមហ៊ុនរោងចក្រផលិតម៉ាសបន្ថែមទៀត ក្នុងបំណងឲ្យពលរដ្ឋថៃពាក់ ដើម្បីការពារជំងឺផ្លូវដង្ហើមថ្មី ដែលបង្កឡើងដោយវីរុសកូរ៉ូណា និង និងហាម មិនឲ្យលក់ឡើងថ្លៃប្រយ័ត្នជាប់គុក៧ និងផាកពិន័យ១លាន៤សែនបាត។
ជាមួយនឹងការបញ្ជាឲ្យក្រុមហ៊ុន រោងចក្រផលិតម៉ាសបន្ថែមទៀតនេះ អាជ្ញាធរថៃ ក៏បានព្រមានទៅអ្នកលក់ម៉ាសទាំងអស់ មិនត្រូវឆ្លៀតឱកាសនេះ កេញចំណេញ លក់ឡើងថ្លៃឡើយ ។ ក្នុងករណីសមត្ថកិច្ចរកឃើញថា លក់ម៉ាសថ្លៃខុសពីតម្លៃធម្មតា និងរងការផាកពិន័យប្រាក់១លាន៤សែនបាត និងអាចជា ប់ពន្ធនាគារ៧ឆ្នាំ។
សូមបញ្ជាក់ថា គិតត្រឹមព្រឹកថ្ងៃទី២៨ ខែមករា អ្នកស្លាប់ដោយសារជំងឺរលាកសួតថ្មី វីរុសកូរ៉ូណាថ្មី បានកើនដល់១០៦នាក់ និងអ្នកឆ្លងកើនដល់៤០០០ករណី នៅក្នុងប្រទេសចិន។
វីរុសកូរ៉ូណា បានផ្តើមកើតដំបូងនៅទីក្រុងវូហាន ក្នុងខេត្តហឺប៉ី ប្រទេសចិន ហើយបានឆ្លងរាលដាលដល់ក្រុងប៉េកាំង សៀងហៃ និងបាននឹងកំពុងឆ្លងមកដល់ប្រទេសវៀតណាម ថៃ, សីង្ហបុរី, ហុងកុង, ម៉ាកាវ, ជប៉ុន, កូរ៉េខាងត្បូង, តៃវ៉ាន់, សហរដ្ឋអាមេរិក សម្រាប់កម្ពុជាមាន១ករណីលើជនជាតិដែលបានចូលមកកម្ពុជា៕
