បុរសម្នាក់ផឹក ថ្នាំហើយ រត់ទៅចងកសម្លាប់ខ្លួន
Cambodia News
ភ្នំពេញ៖ កាលពីវេលាម៉ោង៩និង៣០នាទីយប់ ថ្ងៃទី២៨ ខែមីនា បុរសម្នាក់ ត្រូវបានគេប្រទះឃើញ យកខ្សែអង្រឹង ចងកភ្ជាប់ទៅ នឹងក្រវិលដែកពិតាន ឡៅតឿ ស្ថិតនៅក្នុងភូមិត្រពាំងល្វា សង្កាតកកាប ខណ្ឌពោធិ៍សែនជ័យ ធ្វើឲ្យមាន ការភ្ញាក់ ផ្អើល ដល់អ្នកជិតខាង និងក្រុមគ្រួសារ។
តាមសាច់ញាតិ របស់ជនរងគ្រោះ បានឲ្យដឹងថា ជនរងគ្រោះមានឈ្មោះ ពៅ ផល្លា ភេទប្រុស អាយុជាង៤០ឆ្នាំ មានមុខរបរជាមន្ត្រីយោធា នៅខេត្តកំពង់ស្ពឺ និងជួលធុងបាស់ ស្នាក់នៅផ្ទះជួល ក្នុងភូមិ សង្កាត់កើតហេតុខាងលើ និងមានប្រពន្ធ ឈ្មោះ យ៉ាត ពិសី អាយុ៤០ឆ្នាំជាងដែរ ជាមេផ្ទះ រស់នៅជាមួយគ្នា។
ប្រពន្ធជនរងគ្រោះបាន ប្រាប់នគរបាលឲ្យ ដឹងដែរថា មុនពេលកើតហេតុប៉ុន្មានថ្ងៃ មកហើយជនរងគ្រោះចេះតែនិយាយ ពីបញ្ហាចង់សម្លាប់ខ្លួន ហើយនៅព្រឹកថ្ងៃកើតហេតុជនរងគ្រោះ បានសុំម៉ូតូពីប្រពន្ធ ដើម្បីទៅធ្វើអត្ត ឃាត់សម្លាប់ ឲ្យឆ្ងាយ ពីផ្ទះ ប៉ុន្តែប្រពន្ធមិនឲ្យ លុះដល់ពេលកើត ហេតុជនរងគ្រោះ បានទៅទិញថ្នាំ ដើម្បីផឹកសម្លាប់ ខ្លួន ហើយក្រុម គ្រួសារ បានឃើញទាន់រួច ក៏ដណ្តើមយកទៅបោះចោល ពេលនោះជន រងគ្រោះក៏ដើរទៅទិញថ្នាំម្តងទៀត មកដល់ផ្ទះត្រូវ ក្រុម គ្រួសារ ដណ្តើមយកទៅបោះចោលនៅលើទូរ ហើយក៏បាននាំគ្នា ចេញមកខាងក្រៅ ផ្ទះអង្គុយលេងបានបន្តិច ស្រាប់តែ ឃើញអ្នកជិតខាងដើរ ចូលទៅមើល ហើយពេលនោះសង្ស័យ ក៏បានស្ទុះទៅមើលឃើញថា ជនរងគ្រោះចងក និងផឹកថ្នាំស្លាប់បាត់ទៅហើយ។
ទោះបីជាយ៉ាងណាក៏គ្មាន ប្រភពមួយណាបញ្ជាក់ ឲ្យច្បាស់លាស់ថា ជនរងគ្រោះធ្វើអត្តឃាតសម្លាប់នេះ បណ្តាល មកពីមូលហេតុអ្វីនោះទេ ។ នគរបាលមូលដ្ឋាន បន្ទាប់ពីធ្វើកោសលវិច្ឆ័យរួចហើយ ក៏បានប្រគល់ សាកសពទៅឲ្យ សាច់ញាតិយកទៅធ្វើ បុណ្យតាមប្រពៃណី៕ ហេង នាង
