ធ្លាក់យន្តហោះនៅអាល់សារីស្លាប់១០៣នាក់
សារព័ត៌មាន Cambodia News/
អាល់សារី(១២ កុម្ភៈ ២០១៤) ៖ កាលពីយប់ថ្ងៃទី១១ ខែកុម្ភៈ យន្ត ហោះដឹកជញ្ជូនយោធាអាល់សារីមួយគ្រឿងបានជួបគ្រោះថ្នាក់ធ្លាក់ បណ្តាលឲ្យអ្នកនៅលើយន្តហោះទាំង១០៣នាក់ក្នុងនោះមានអ្នកដំណើរ ៩៩នាក់ និងអាកាសយានិក៣នាក់បាត់បង់ជីវិត ។
ប ណ្តាញព័ត៌មាន អេនណាហារបស់អាល់សារីបានផ្សព្វផ្សាយថា យន្តហោះខាងលើបានធ្លាក់នៅតំបន់ភ្នំស្ថិតក្នុងខេត្ត Oum El Bouaghi ។ ព័ត៌មានលម្អិតស្តីគ្រោះថ្នាក់ខាងលើមិនទាន់បានប្រកាសនៅឡើយ ។
ព័ត៌មានបឋមបានបង្ហាញឲ្យឃើញថា គ្រោះថ្នាក់ធ្លាក់យន្តហោះនោះអាចបណ្តាលមកពីអាកាសធាតុអាក្រក់ ។
ហេតុ ការណ៍គ្រោះ ថ្នាក់ខាងលើយន្តហោះដឹកជញ្ជូនយោធាខាងលើហោះហើរចេញពីទីក្រុង Constantine ស្ថិតនៅខាងជើងប្រទេសនេះ។ សារព័ត៌មានAFP បានផ្សព្វផ្សាយថា យន្តហោះខាងលើបានប៉ះនឹងកំពូលភ្នំមុនពេលធ្លាក់ចុះផ្ទុះឆេះ ។
យន្ត ហោះដែលជួបគ្រោះថ្នាក់ប្រភេទ Hercules C-130 ដឹក ជញ្ជូនមន្ត្រីយោធា និងសមាជិកគ្រួសារមន្ត្រីយោធាទាំងនោះ ។ ក្រុមជួយសង្គ្រោះបានបញ្ជាក់ថា គ្មាននរណាម្នាក់នៅរស់ ក្នុងហេតុការណ៍គ្រោះថ្នាក់នោះឡើយ ៕
